2 videos: మనుషులపై ఎలుగుబంట్ల దాడి.. 2 వైరల్ వీడియోలు

ప్రమాదకరమైన వన్యప్రాణుల్లో ఎలుగుబంట్లు కూడా ఉన్నాయి. అవి వన్యప్రాణులు కాబట్టి పెంపుడు జంతువులలా వాటిని పెంచుకోలేం. ఎప్పుడోకప్పుడు అవి తిరగబడతాయి. పైగా వాటికి ఉండే బలమైన గోళ్లతో రక్కి ప్రాణం తియ్యగలవు. అవి శాఖాహారులే అయినప్పటికీ... వాటికి మనుషులు తమపై దాడి చేస్తారనే భయం ఉంటుంది. అందువల్ల మన కంటే ముందు అవే దాడి చేసి.. ప్రాణం తీసేందుకు యత్నిస్తాయి. అలాంటి ఎలుగుబంట్లకు సంబంధించిన 2 వైరల్ వీడియోలను ఇప్పుడు చూద్దాం (bear attack videos).

వైరల్ వీడియో 1:
ఇది.. అమెరికా.. ఫ్లోరిడాలో జరిగింది. ఓ రాత్రివేళ... ఓ ఇంట్లోకి చొరబడేందుకు ఎలుగుబంటి యత్నించింది. దాని టార్గెట్ ఆ ఇంట్లోని కుక్కలే. వాటిని చంపేందుకు ఎలుగు ప్రయత్నిస్తుంటే... వాటి ఓనర్ ప్రాణాలకు తెగించాడు. ఎలుగుబంటిని ధైర్యంగా ఎదుర్కొని... ఇంట్లోంచీ బయటకు నెట్టడమే కాదు... ఇంటి డోర్ కి అడ్డుగా ఓ సోఫాని పెట్టి... కుక్కల్ని కాపాడుకున్నాడు. ఈ వీడియోలో అతని ధైర్యాన్ని మెచ్చుకోవాలి. ఎలుగుబంటిని డైరెక్టుగా ఎదుర్కున్నాడు. అది దాడి చేసి ఉంటే... అతనికి తీవ్ర గాయాలు అయ్యేవే. ఏ మూడ్ లో ఉందోగానీ బయటకు పోయింది. యూట్యూబ్ లోని FOX 13 Seattle ఛానెల్ లో జనవరి 22న అప్ లోడ్ చేసిన ఈ వీడియోని ఇప్పటివరకు 1.66 లక్షల మందికి పైగా చూశారు. (bear attack on human video)

ఆ వీడియోని ఇక్కడ చూడండి (viral video)

వైరల్ వీడియో 2:
ఇది దేశీ వీడియో. ఛత్తీస్‌గఢ్ లోని కాంకెర్ జిల్లాలో... కె హల్బా అనే గ్రామంలో జరిగిందీ ఘటన. అసలేం జరిగిందంటే... ఆ ఊరికి చుట్టుపక్కల అడవి ఉంది. ఓ రోజు అడవి నుంచి మూడు ఎలుగు బంట్లు ఊర్లోకి వచ్చాయి. అది చూసిన స్థానిక కుర్రాళ్లు... వాటిని తరమడం మొదలుపెట్టారు. అలా పరుగులు పెట్టిన ఎలుగులు... ఓ చోట రోడ్డు దాటేందుకు సిద్ధపడ్డాయి. ఆ సమయంలో అటుగా... రోడ్డుపై ఓ బైకర్ రావడాన్ని గమనించిన స్థానికులు... ఆగమని చెబుతున్నా... ఆ బైకర్ పట్టించుకోలేదు. బైకర్ ని గమనించని ఓ ఎలుగుబంటి వేగంగా రోడ్డు దాటబోయింది. అప్పటికే బైకర్ దగ్గరకు వచ్చేయడంతో ఆ ఎలుగు సడెన్ బ్రేక్ వేసుకుంది. యాక్సిడెంట్ నుంచి తప్పించుకుంది. ఆ తర్వాత మూడూ రోడ్డు దాటి తుప్పల్లోకి పారిపోయాయి. (bears attack on village video)

ఆ వీడియోని ఇక్కడ చూడండి (bears in village video)

ఈ వీడియో చూసి... ఆ ఎలుగుబంటి బాగా బ్రేక్ వేసుకుంది అని ఓ యూజర్ స్పందించారు. ఎలుగుబంట్లు మన దేశంతోపాటూ... విదేశాల్లో కూడా తరచూ ఇళ్లవైపు వస్తూనే ఉన్నాయి. వీటికి ఆహార కొరత సమస్య ఉంటోంది. తేనెతుట్టెలు పెద్దగా కనిపించట్లేదు. అందువల్ల ఇవి ఆహారం కోసం ఇళ్లవైపు వస్తున్నాయి. ఐతే... మనుషులంటే భయపడే ఇవి... స్థానికులు గట్టిగా అరిచినప్పుడు పారిపోతున్నాయి.