వామ్మో.. ఇలాంటి స్టంట్ జీవితంలో చూసి ఉండరు.. నమ్మలేరంతే!

IAS ఆఫీసర్ రుపిన్ శర్మ... తరచూ విచిత్రమైన వీడియోలను తన ట్విట్టర్ అకౌంట్‌లో పోస్ట్ చేస్తూ ఉంటారు. తాజాగా ఆయన పోస్ట్ చేసిన స్టంట్ వీడియో (stunt video)ను ఒక్క సెకండ్ కూడా మిస్సవకుండా చూస్తున్నారు నెటిజన్లు. ఎందుకంటే అదో డేంజరస్ స్టంట్. అసలు అలాంటి స్టంట్ చెయ్యాలనే ఆలోచన రావడం, దాన్ని ప్రాక్టీస్ చెయ్యడం, దాన్ని ప్రదర్శించడం అన్నీ రిస్కీ అంశాలే. తేడా వస్తే ప్రాణాలు గాల్లోకే. కానీ వాళ్లు అలవోకగా చేశారు. ఏమాత్రం బెరుకు లేదు. చాక్లెట్ తిన్నంత ఈజీగా చేసేశారు. ఆ స్టంట్ చూసిన పర్యాటకులు భయపడుతున్నారు కానీ... చేసిన వాళ్లు మాత్రం టెన్షన్ పడలేదు. అలాంటి స్టంట్స్ (dangerous stunt video) మనం చెయ్యకపోవడమే మంచిది. జస్ట్ వీడియో చూసి... ఫీలైతే చాలు.

మీరు డొంబార్యా అనే ఆట చూసేవుంటారు. ఇందులో గాలిలో తాడుపై నడుస్తూ వెళ్తారు. సింపుల్‌గా దీన్ని రోప్ వాకింగ్ (rope walk stunt) అంటారు. ఇప్పుడు ఇలాంటివి తగ్గిపోయాయి గానీ పూర్వం... డబ్బు సంపాదన కోసం పేద కుటుంబాల పిల్లలు ఇలాంటి సాహసాలు చేసేవారు. అవి చూసి చాలా మంది మెచ్చుకుంటూ డబ్బులిచ్చేవారు. ఈ ప్రదర్సన చేసేవారు చేతిలో ఓ పొడవాటి కర్రను పట్టుకుంటారు. ఆ కర్రే కీలకం. అది లేకపోతే అడుగు కూడా ముందుకు వెయ్యలేరు. ఆ కర్ర ద్వారా బ్యాలెన్స్ చేసుకుంటారు. అదే విధంగా... ఓ బైక్ స్టంట్ వీడియో ((bike stunt video)) సోషల్ మీడియాలో వైరల్ అవుతోంది.

ఈ వీడియోలో ఓ పెద్ద లోయ పైన ఇనుప వైరును కట్టారు. ఆ వైరుపై ఇద్దరు వ్యక్తులు సైకిళ్లు తొక్కుతూ వెళ్లగా... మరో వ్యక్తి బైక్ నడుపుతూ వెళ్లాడు. కొంత దూరం వెళ్లాక... అతను వైర్‌పైనే బ్యాలెన్స్ అవుతూ బైక్‌ని వెనక్కి తిప్పాడు. తిరిగి మళ్లీ బైక్ నడిపాడు. ఓ సందర్భంలో... బైక్ హ్యాండిల్ వదిలేసి దానిపై నిల్చున్నాడు. అలాగే ముందుకెళ్లాడు. వైరు మీద బైక్ నడపడే కష్టమనుకుంటే... దాన్ని వదిలేసి నడపడం మరో షాకింగ్ విషయం. అది చూసి నెటిజన్లు షాకవుతున్నారు. వారి హార్ట్ బీట్ పెరుగుతోంది. (Bike stunt over deep valley video)

ఆ వీడియో (viral video)ని ఇక్కడ చూడండి

ఇది నిజమా గ్రాఫిక్సా అనే డౌట్ వస్తోంది కదూ. ఇది నిజమే. దీని టెక్నిక్ అంతా... ఆ కింద వేలాడుతున్న మనుషులపైనే ఆధారపడి ఉంటుంది. వారి ఆధారంగా పైన నడిపేవారు బ్యాలెన్స్ చేసుకుంటున్నారు. కింద వ్యక్తి లేదా వస్తువు లాంటిది లేకపోయే... బ్యాలెన్స్ చెయ్యలేరు. కానీ నమ్మశక్యం కాని విధంగా ఉన్న ఈ వీడియో నెటిజన్లను ఆశ్చర్యపరుస్తోంది. కింద వేలాడుతున్నవారు కూడా స్టంట్స్ చేస్తూ ఉండటం విశేషం.

Video: ఓనో.. ఓనో.. బైక్‌పై వెళ్తూ స్టంట్ చేయబోయాడు... ఆ తర్వాత...
ఈ వీడియో ఏకంగా 2.20 నమిషాలుంది. ఈ స్టంట్ చేసిన వారు కింద పడినా ప్రమాదం లేకుండా... అన్ని ఏర్పాట్లూ చేసుకొని ఉంటారని తెలుస్తోంది. అందువల్ల సామాన్యులు ఇలాంటివి (deadly stunts) చెయ్యవద్దని పోలీసులు కోరుతున్నారు.