viral video: రెస్టారెంట్ లోకి దూసుకొచ్చిన ఎద్దు.. ఎగరేసి.. కుమ్మేసి..

చైనాలోని జిన్హువాలో అనుకోని ఘటన జరిగింది. ఓ రెస్టారెంట్ లోకి ఎద్దు దూసుకొచ్చింది. ఫలితంగా ఓ వ్యక్తి మృత్యువు నుంచి కొద్దిలో బయటపడ్డాడు. ఈ ఘటన స్థానికంగా తీవ్ర కలకలం రేపింది. అసలేమైందో తెలుసుకుందాం. (Buffalo attacks in Restaurant)

ఓ రెస్టారెంట్‌లో ఇద్దరు వ్యక్తులు ఉండగా... రోడ్డు బయటి నుంచి ఓ ఎద్దు పరుగెత్తుకుంటూ రెస్టారెంట్ లోకి దూసుకొచ్చింది. దానికి వాడియైన కొమ్ములున్నాయి. అసలు ఆ ఎద్దు అలా వస్తుందని వాళ్లు అస్సలు ఊహించలేదు. ఓ వ్యక్తి ఓసారి రోడ్డువైపు చూశాడు. కానీ అప్పుడు అతనికి ఏదీ తేడాగా కనిపించలేదు. అంతలోనే ఆ ఎద్దు వచ్చేసింది. రెస్టారెంట్ డోర్ ఓపెన్ గానే ఉండటంతో... దూసుకొచ్చింది. (Buffalo attack on customer)

ఆ సమయంలో ఇద్దరు వ్యక్తుల్లో ఓ వ్యక్తిని కొమ్ములతో గాల్లోకి ఎగరేసి కుమ్మేసింది. దాంతో అతను నేలపై చలనం లేకుండా పడిపోయాడు. అది చూసిన మరో వ్యక్తి... కింద పడిన వ్యక్తిని పక్క గదిలోకి ఈడ్చుకెళ్లాడు. ఆ తర్వాత ఎద్దు వచ్చిన దారిలోనే బయటకు వెళ్లిపోయింది. అది వెళ్లిపోయాక... బయటి వారు పరుగెత్తుకొని రెస్టారెంట్ లోకి వచ్చారు. అక్కడ తీవ్రంగా గాయపడిన వ్యక్తిని ఆస్పత్రికి తీసుకెళ్లారు. మృత్యువుతో పోరాడుతున్న అతన్ని డాక్టర్లు కాపాడారు. ఎద్దు దాడి చేసిన ఘటన... రెస్టారెంట్ లోని సీసీటీవీలో రికార్డ్ అయ్యింది. (Buffalo Attack CCTV Footage)

ఆ వీడియో (viral video)ని ఇక్కడ చూడండి

ఈ ఘటన తూర్పు చైనా నగరం తైజౌ‌లో జరిగినట్లు తెలిసింది. ప్రస్తుతం ఈ వీడియో సోషల్ మీడియాలో వైరల్ అవుతోంది. అక్కడికి దగ్గర్లోనే ఉన్న కబేళా సెంటర్ (slaughter house) నుంచి తప్పించుకొని పారిపోయినట్లు తెలిసింది. తిరిగి ఆ ఎద్దును వారు పట్టుకెళ్లినట్లు తెలిసింది. ఆస్పత్రిలో వ్యక్తి తీవ్ర గాయాలతో ఉన్నట్లు సమాచారం.
నేడు ప్రపంచ హిందీ దినోత్సవం.. ఈ విషెస్ కార్డ్స్ పంపుకోండి
గాయపడిన వ్యక్తికి పరిహారం చెల్లించేందుకు గేదె యజమాని అంగీకరించినట్లు తెలిసింది. ఐతే... రెస్టారెంట్‌లో ఫర్నిచర్‌ని కూడా ఆ ఎద్దు నాశనం చేసినట్లు తెలిసింది. గాయపడిన కస్టమర్‌ని కాపాడిన వ్యక్తి... "నేను కాపాడకపోయి ఉంటే... ఆ ఎద్దు మరింత తీవ్రంగా అతన్ని కుమ్మేసి ఉండేది" అని తెలిపాడు.