viral video: మొసలితో పరాచకాలు.. ఆ తర్వాత లబోదిబో..

మొసలి చూడటానికే చాలా భయంకరంగా ఉంటుంది. పెద్ద దవడ.. పదునైన దంతాలు, ముళ్లలాంటి బాడీ... అన్నీ హడలెత్తిస్తాయి. పైగా అవి మనుషుల్ని తినగలవు. అలాంటి మొసలి జోలికి ఎవరైనా వెళ్తారా. దానికి చిరాకు తెప్పిస్తారా? అతను మాత్రం ఆ పని చేసి అడ్డంగా దొరికిపోయాడు. ఆ తర్వాతేమైంది? (Crocodile attack video)

ఇన్‌స్టాగ్రామ్‌లోని bufilms అకౌంట్‌లో జనవరి 11, 2022న ఈ వీడియోని అప్‌లోడ్ చేశారు. ఒక్క రోజులోనే దీన్ని 3 లక్షల మందికి పైగా చూశారు. ఈ వీడియోలో... ఓ అడవి పక్కన ఉన్న చెరువు గట్టుపై ఓ 7 అడుగుల మొసలి సేద తీరుతోంది. అసలే ఆ రోజు ఆహారం దొరకక, దోమలు కంటిన్యూగా కుడుతూ ఉంటే... ఆ మొసలి చాలా చిరాగ్గా ఉంది. అలాంటి మొసలితో పరాచకాలు ఆడాడు ఓ టూరిస్టు. (Crocodile attacks man video)

మొదట మొసలి దగ్గరకు వెళ్లి... దాని తలను చేత్తో టచ్ చేద్దాం అనుకున్నాడు. దాంతో మొసలి అతన్ని చిన్నగా భయపెట్టింది. అయినా వదలకుండా మరోసారి ప్రయత్నిస్తుంటే... గురిచూసి ఆ మొసలి అతని చేతిని లటక్కున నోట కరచింది.

మొసలి అలా కరిస్తే చెయ్యి విరగాల్సిందే తప్ప అంత ఈజీగా వదలదు. ఎలాగైనా వదిలించుకోవాలి అనుకున్న అతను... తన చెయ్యిని వెనక్కి లాక్కోవాలని ట్రై చేసినా మొసలి వదల్లేదు. దాంతో మొసలి వీపుపైకి ఎక్కి... దాన్ని కదలనివ్వకుండా చేసేందుకు ప్రయత్నించాడు. దాంతో మొసలి అతని చేతిని వదిలేసి.. దూరంగా జరిగింది. దాంతో అతను బతికానురా దేవుడా అన్నట్లు తప్పించుకున్నాడు.

viral video: వెంటాడిన పర్వత సింహం.. ముచ్చెమటలు పట్టించింది
ఆ వీడియో (crocodile viral video)ని ఇక్కడ చూడండి

మొసలికి అతనిపై దాడి చేసే ఉద్దేశం లేదు కాబట్టే అది అతన్ని వదిలేసింది. లేదంటే పరిణామాలు తీవ్రంగా ఉండేవి. ఇలాంటిదే ఓ ఘటన గతేడాది నవంబర్‌లో జరిగింది. నోరు తెరిచి ఉన్న మొసలి నోట్లో ఓ వ్యక్తి కుడి చెయ్యి పెట్టాడు. (hand in crocodile mouth) ఆ తర్వాత ఏదో వివరిస్తూ... ఎడమ చెయ్యి పెట్టాడు. కొద్దిగా కాదు... మొత్తం చెయ్యి అంతా పట్టేలా ఇంకా ఇంకా దూర్చాడు. ఆ తర్వాత ఏదేదో చెబుతూ... మొసలివైపు చూస్తూ... హడావుడి చేశాడు. అంతలో ఊహించని షాక్ ఇచ్చింది మొసలి. ఒక్కసారిగా చెయ్యిని కొరికేసి, నమిలేసింది. దాంతో... తిప్పలు పడుతూ... లబోదిబోమంటూ... చెయ్యిని ఎలాగొలా వెనక్కి తీసుకున్నాడు. కానీ అప్పటికే పెద్దగాయాలు అయ్యాయి.

viral video: రెస్టారెంట్ లోకి దూసుకొచ్చిన ఎద్దు.. ఎగరేసి.. కుమ్మేసి..
ఆ వీడియో (allegator attack video)ని ఇక్కడ చూడండి

చాలా సందర్భాల్లో మొసలి చెయ్యినో, కాలునో పట్టుకుంటే... ఇక అది తెగిపోతుందే తప్ప మొసలి మాత్రం వదలదు. దాని పళ్లకు అంత బలం ఉంటుంది. దాడి చేసే ఉద్దేశం లేనప్పుడు మాత్రమే మొసలి వదిలేస్తుంది.