viral video: తిక్కరేగిన జిరాఫీ.. యువతిపై దాడి... వీడియో వైరల్

జిరాఫీలు ఇంతెత్తు ఉంటాయి. శాఖాహార జీవులు. అమాయక ప్రాణులు.. అనుకోవద్దు. వాటికి కోపం వస్తే ఎవర్నీ లెక్కచెయ్యవు. తిక్క రేగి కాలితో తన్నాయంటే చిరుతపులైనా చావును చూడగలదు. అలాంటి మంచి ప్రమాదకరమైన జంతువులు జిరాఫీలు. సఫారీలకు వరల్డ్ ఫేమస్ అయిన కెన్యాలో సఫారీ రిసార్టులు చాలా ఉంటాయి. అక్కడికి టూరిస్టులు వెళ్లి వన్యప్రాణులతోనే జీవిస్తూ... ఎంజాయ్ చేస్తారు. అలాంటి ఓ హోటల్ లో ఓ జిరాఫీ తరచూ మహిళలపై దాడి చేస్తోంది. తాజాగా అలాంటి ఓ దాడి వీడియో వైరల్ అయ్యింది. వన్యప్రాణులతో జాగ్రత్తగా ఉండకపోతే ఎలాంటి విపత్కర పరిస్థితులు ఎదురవుతాయో ఈ వీడియో ద్వారా తెలుస్తోంది. దీన్ని చూసిన వాళ్లకు నవ్వుతో పాటూ భయం కూడా వేస్తోంది. (Giraffe Attacked a Woman)

ఈ వీడియోని ఇన్‌స్టాగ్రామ్‌లోని earthpix పేజీలో ఫిబ్రవరి 6న పోస్ట్ చేశారు. అప్పటి నుంచి ఇప్పటివరకు దీన్ని లక్షల మంది చూడగా... 63వేల మందికి పైగా లైక్ చేశారు. ఇందులో ఓ జంట... జిరాఫీ మానోర్ హోటల్ ఆరుబయట గార్డెన్ లో ఓ టేబుల్ దగ్గర కూర్చొని చాయ్ తాగుతూ బిస్కెట్లు తింటున్నారు. ఇలా వచ్చే జంటలకు జిరాఫీలతో కాలక్షేపం చేయిస్తుంటారు ఆ హోటల్ వాళ్లు. అందులో భాగంగానే రెండు జిరాఫీలు ఆ జంట దగ్గర నిలబడ్డాయి. వాటికి వాళ్లు బిస్కెట్లు పెడుతున్నారు. అలా ఆమె బిస్కెట్ పెట్టగానే ఓ జిరాఫీ ఆమె తలపై తన తలతో ఒక్కటిచ్చింది. ఊహించని ఈ పరిణామంతో ఆమె ఉలిక్కిపడింది. (luxury hotel video)

ఆ వీడియోని ఇక్కడ చూడండి.

ఈ వీడియోలో బాధితురాలి పేరు జులియా లో. రష్యా అమ్మాయి. ట్రావెలర్. కంటిన్యూగా ప్రపంచ దేశాలు తిరుగుతూ ఉంటుంది. ఈ దాడికి సంబంధించిన వీడియోని ఆమె తన ఇన్‌స్టాగ్రామ్ పేజీలో 2021 డిసెంబర్ లో పోస్ట్ చేసింది. "జిరాఫీలు క్యూట్ అని వాళ్లు చెప్పారు. కానీ అది నాకు ఒక్కటిచ్చింది. చాలా నొప్పి కలిగింది" అని ఆమె తన వీడియోకి క్యాప్షన్ ఇచ్చింది. దీన్ని 3 కోట్ల మందికి పైగా చూడగా... 11 లక్షల మందికి పైగా లైక్ చేశారు.

ఆ వీడియోని ఇక్కడ చూడండి.

ఆ రిస్టార్టులో జిరాఫీలతో ఆమె బాగా ఎంజాయ్ చేసింది. అందుకు సంబంధించిన మరిన్ని వీడియోలను ఇక్కడ చూడండి.



ఇంతకీ దాడి చేసిన జిరాఫీ ఇదివరకు కూడా ఓ మహిళపై ఇలాగే దాడి చేసింది. అదే ప్లేస్, అదే టేబుల్, అవే జిరాఫీలు ఉండగా... ఇదివరకు ఓ జంట ఇలాగే చాయ్, బిస్కెట్ తీసుకుంటుంటే... అప్పుడు కూడా ఇలాగే ఆ జిరాఫీయే దాడి చేసింది. అప్పుడు మరింత గట్టిగానే దాడి చేసింది. (wild giraffe attack video)

ఆ వీడియోని ఇక్కడ చూడండి.

చూశారుగా... జిరాఫీలతో జాగ్రత్తగా ఉండాలని ఈ వీడియోలు హెచ్చరిస్తున్నాయి.