video: కలియుగ వింత.. పొగతాగుతున్న మేక.. అసలు కథ ఇదీ..!

మనుషులు పొగ తాగడం కామనే. కానీ జంతువులో, పక్షులో ఆ పని చేస్తే మాత్రం ఆశ్చర్యం కలగడం సహజం. తాజాగా నేపాల్ లో అలాంటి ఘటన జరిగినట్లు తెలుస్తోంది. ఇందుకు సంబంధించిన ఓ వీడియో సోషల్ మీడియా ప్లాట్ ఫామ్లలో వైరల్ అవుతోంది. దాన్ని గమనిస్తే... ఓ మేక... పొగను నోటితో పీల్చుతూ, వదులుతూ ఉంది. ఇది నెటిజన్లకు ఆశ్చర్యం కలిగిస్తోంది. అసలు మేకేంటి... పొగ తాగడమేంటి అనేది వారికి నమ్మశక్యం కలగట్లేదు. ఆ వీడియోని ఏ ఫొటోషాప్ తోనో ఎడిటింగ్ చేసి... మార్ఫింగ్ చేశారా అనే డౌట్ కూడా వస్తోంది కొందరికి. (Goat in Nepal inhaling and exhaling smoke)

ట్విట్టర్ లోని @AvatarDomy2 అకౌంట్ లో ఫిబ్రవరి 6న ఈ వీడియోని పోస్ట్ చేశారు. అప్పటి నుంచి ఇప్పటివరకూ దీన్ని 8.96 లక్షల మందికి పైగా చూశారు. 18వేల మందికి పైగా లైక్ చేశారు. ఇందులో ఓ మేక కంటిన్యూగా పొగను పీల్చుతూ, వదులుతూ ఉంది. దాని పెద్ద నోటితో... పెద్ద మొత్తంలో పొగను పీల్చుతూ... గాలిలోకి వదులుతూ ఉంది. అది చూసిన కొందరు ఆ దృశ్యాన్ని తమ మొబైల్ కెమెరాలతో రికార్డ్ చేస్తూ ఉన్నారు. (Goat inhaling and exhaling smoke)

ఆ వీడియోని ఇక్కడ చూడండి (viral video)

సహజంగానే ఈ దృశ్యం నెటిజన్లకు ఆశ్చర్యం కలిగిస్తోంది. వీడియో చూసిన వాళ్లు రకరకాలుగా కామెంట్స్ ఇస్తున్నారు. "ఇలా చేయడానికి ఆ మేకకు అనుమతి ఇచ్చారని నేను అనుకోవట్లేదు" అని ఒకరు కామెంట్ ఇవ్వగా... "ఆ మేక ఆనందంగా ఉంది" అని మరో యూజర్ స్పందించారు. "ప్రళయానికి ముందు ప్రశాంతతలాగా ఉంది" అని మరో యూజర్ కామెంట్ ఇచ్చారు.

ఇదీ అసలు కథ:
ఈ వీడియో ఎక్కడి నుంచి వచ్చిందనేది అసలు ప్రశ్న. రెడ్డిట్ యూజర్ interestingasfuck ఈ వీడియోని 10 రోజుల కిందట పోస్ట్ చేశారు. "పొగ తాగి వదులుతున్న మేక" అని క్యాప్షన్ ఇచ్చారు. ఎక్కడిది, ఎప్పటిది అనేది మాత్రం వివరాలు ఇవ్వలేదు.

ఆ వీడియోని ఇక్కడ చూడండి (goat smoking video)

ఓ రెడ్డిట్ యూజర్ దీనిపై స్పందించారు. "ఈ మేకలను ఆలయాల దగ్గర అలా వదిలేస్తారు. వాటిని బలి ఇవ్వకుండా, తాళ్లతో కట్టకుండా వదిలేస్తారు. అవి చాలా పెద్ద సైజులో పెరుగుతాయి. చాలా కోపంగా ఉంటాయి. వాటి నుంచి దుర్వాసన వస్తుంది. అది 10 మీటర్ల దూరం వరకూ వస్తుంది. నేను సరదాగా చెప్పట్లేదు. ఈ మేకలు భయంకరమైనవి. వీధి కుక్కల్ని కూడా ఇవి భయపెట్టగలవు. ఒక్కోసారి ఇవి మనుషుల వెంట కూడా పడతాయి" అని ఆ యూజర్ తెలిపారు.
video: రెస్టారెంట్‌లోకి వచ్చిన ఉడుము.. భయంతో ఏడ్చేసిన మహిళ
వీడియోని గమనిస్తే ఏదో ఆలయంలా ఉంది. ఆలయం దగ్గర గుగ్గిలం, సాంబ్రాణి పొగ వస్తుంటే... ఆ పొగ నుంచి వచ్చే సువాసన నచ్చడంతో ఆ మేక పొగను పీల్చుతూ వదులుతున్నట్లు కనిపిస్తోంది.