viral video: గాల్లో ఎగిరిన కోడి.. ఎప్పుడూ చూసి ఉండరు..

మనం చిలుకలు, పావురాలు వంటి పక్షుల్ని పంజరాల్లో ఉంచి పెంచుతాం. కోళ్లను మాత్రం తెల్లారగానే గూటి నుంచి బయటకు వదిలేస్తాం. అవి సాయంత్రం వరకూ అక్కడక్కడా తిరిగి... మట్టిలో పురుగుల్ని తిని... సాయంత్రం గూటికి వచ్చేస్తాయి. ఒకవేళ అలా రాకపోతే మనమే స్వయంగా వాటి వెంటపడి పట్టేసుకుంటాం. అవి ఎగరలేవు కాబట్టి వాటిని మనం పట్టుకోగలం. ఆ కాన్ఫిడెన్స్ తోనే మనం వాటిని బయటకు వదులుతాం. అలా కాకుండా కోళ్లు కూడా ఇతర పక్షుల లాగా ఎగిరిపోగలిగితే అప్పుడేంటి పరిస్థితి? (hen flying in the air video)

కోళ్ల శరీర బరువు ఎక్కువ కాబట్టి... అవి ఎక్కువ ఎత్తు ఎగరలేవు. అలాగే ఎక్కువసేపు ఎగరలేవు. కానీ ఓ కోడిపెట్ట మాత్రం రివ్వున ఎగిరింది. నెమలి లాగా రెక్కల్ని విసురుకుంటూ... ఏకంగా అరకిలోమీటర్ దూరం ఎగురుతూ వెళ్లింది. అందుకు సంబంధించిన వీడియో సోషల్ మీడియాలో వైరల్ అయ్యింది. (can hen fly)

ట్విట్టర్ లోని @buitengebieden_ అకౌంట్ లో ఈ వీడియోని జనవరి 29న పోస్ట్ చెయ్యగా... ఇప్పటివరకూ దీన్ని 3.14 లక్షల మందికి పైగా చూశారు. 15 వేలకు పైగా లైక్స్ వచ్చాయి. ఇందులో జైలు నుంచి పారిపోయిన ఖైదీ రేంజ్ లో ఓ వాహనం కింద నుంచి పరుగెడుతూ బయటకు వచ్చిన కోడిపెట్ట ఎటు పారిపోవాలా అని చూసి... గాల్లో ఎగురుతూ వెళ్లిపోయింది. ఆ ప్రాంతమంతా మంచు కురిసి ఉంది. (hen flying over snow video)

ఆ వీడియోని ఇక్కడ చూడండి (chicken flying video)

వీడియోలో కోడి ఎగిరే విధానాన్ని స్లోమోషన్ లో చూపించడం వల్ల మనకు దాని రెక్కల తీరు, అది ఎగిరే విధానం స్పష్టంగా కనిపించింది. ఆ దృశ్యం చాలా బాగా రికార్డ్ అయ్యింది. అందుకే వీడియో నెటిజన్లకు తెగ నచ్చుతోంది. ఫన్నీ కామెంట్స్ కూడా వస్తున్నాయి. (viral video)

video: వెంటాడి చుక్కలు చూపించిన రైనో.. హడలిపోయిన టూరిస్టులు
"కోళ్లు ఎగురుతాయని నాకు తెలియదు" అని ఓ యూజర్ కామెంట్ ఇవ్వగా... "చాలా అందంగా ఉంది. నా కోడి చాలా పెద్దది. అది అంత దూరం ఎగరలేదు" అని మరో యూజర్ కామెంట్ ఇచ్చారు.

video: ఆడియన్స్ ని కొట్టిన మోడల్.. ఫ్యాషన్ షో వీడియో వైరల్
"కొన్ని రకాల కోళ్లను మాంసం, గుడ్ల కోసం పెంచుతారు. ఈ వీడియోలో ఉన్న కోడి జంగిల్ ఫౌల్ (Junglefowl). ఇది మనం ఇళ్లలో పెంచుకుంటున్న కోళ్ల కంటే ప్రాచీనమైన జాతికి చెందినది" అని మరో యూజర్ కామెంట్ ఇచ్చారు.