viral video: 6 ఆడ సింహాలతో ఆమె.. ఆ దృశ్యం ఆశ్చర్యం..

సింహం గర్జన... దాదాపు 8 కిలోమీటర్ల దూరం వినిపించగలదు. అంత గట్టిగా అవి గర్జించగలవు. సింహాలు తక్కువ దూరాన్ని ఎక్కువ వేగంతో పరుగెత్తగలవు. గంటకు 80 కిలోమీటర్ల వేగంతో దూసుకెళ్లగలవు. అవి ఒకసారి గెంతు గెంతాయంటే... ఏకంగా 36 అడుగుల దూరం గెంతగలవు. అందుకే సింహాన్ని చూస్తేనే ఓ రకమైన హడల్ వస్తుంది. దాని గర్జన వింటే వెన్నులో వణుకు తప్పదు. వాటిని జూలో... నెట్ లోపల ఉన్న వాటిని చూసి కూడా చాలా మంది భయపడతారు. అలాంటి సింహాలను ఓ అమ్మాయి వెంట పెట్టుకొని వెళ్తోంది. నమ్మశక్యం కాని ఆ వీడియో ఇప్పుడు సోషల్ మీడియాలో వైరల్ అవుతోంది. (6 lioness in forest video)

ఒకప్పుడు సింహాలు... ఆఫ్రికా, ఆసియా, యూరప్ అంతటా కనిపించేవి. ఇప్పుడు ఆఫ్రికాలో మాత్రమే కనిపిస్తున్నాయి. మిగతా దేశాల్లో.. ఆఫ్రికా సింహాలను జూలలో పెంచుతున్నారు. చివరి ఆసియా సింహం ఇండియాలోని ససాన్-గిర్ నేషనల్ పార్కులో ఉండేది. ప్రస్తుతం ఆ పార్కులో 400 దాకా సింహాలున్నాయి. ఇంతకీ ఆమె ఎవరు? ఆరు ఆడసింహాలతో ఎలా వెళ్తోంది? (Woman Walking With 6 Lioness)

ఆ వీడియో చూసి నెటిజన్లు ఆశ్చర్యపోతున్నారు. పెంపుడు కుక్కల్ని వెంటబెట్టుకొని వెళ్లినట్లుగా ఆమె సింహాలను వెంటబెట్టుకొని వెళ్తోంది. ఇది అడవిలో షూట్ చేసిన వీడియో. ఆరు సింహాలు ముందు నడుస్తుంటే... వెనక ఆమె నడుస్తోంది. వాటిలో ఒక్కటి కూడా ఆమెకు హాని చెయ్యట్లేదు. మరీ చిత్రమేంటంటే... ఆమె ఓ సింహం తోక పట్టుకొని కూడా నడిచింది. అప్పుడు కూడా ఆ సింహం ఆమెను ఏమీ అనలేదు.

ఆ వీడియో (viral video)ని ఇక్కడ చూడండి

ఇన్‌స్టాగ్రామ్‌ లోని safarigallery అనే పేజీలో ఈ వీడియోని నిన్న అప్‌లోడ్ చేశారు. ఇది ఆఫ్రికాలోని కెన్యాలో షూట్ చేసినట్లు చెబుతున్నారు. ఐతే... ఆ సింహాలను ఆమె కుటుంబం పెంచుకుంటోందా... లేక మొదటి నుంచి అవి ఆమెకు అలవాటుపడ్డాయా... లేక అవి ట్రైనింగ్ పొందిన సింహాలా అనే అంశంపై స్పష్టత లేదు. (kenya safari lions video)

video: వాళ్లంటే సింహాలకు వెన్నులో వణుకు.. కనిపిస్తే పరుగే...
కెన్యాకు దగ్గర్లోనే ఉండే జింబాబ్వేలోని సఫారీలో పర్యాటకులకు హాని చెయ్యకుండా నడిచేలా సింహాలకు ట్రైనింగ్ ఇచ్చారు. అందువల్ల చాలా మంది టూరిస్టులు... సింహాల పక్కనే నడుస్తూ వీడియో తీయించుకుంటారు. అలాగే ఆమె కూడా ఆరు ఆడ సింహాలతో నడిచిందా అనే అనుమానం ఉంది. ఇది ఎప్పుడు షూట్ చేశారన్నది కూడా క్లారిటీ లేదు. కానీ ఈ వీడియో మాత్రం ఇప్పుడు సోషల్ మీడియా ప్లాట్‌ఫామ్‌లలో చక్కర్లు కొడుతోంది.