video: ఓయమ్మో.. ఏందిది.. 4వ అంతస్తుపై సాహసం.. జారిపడితే...

ఉత్తరప్రదేశ్... ఘజియాబాద్‌లో ఓ మహిళ ఓ అపార్ట్‌మెంట్... 4 అంతస్థులోని రెయిలింగ్ పైకి ఎక్కింది. అందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది. 14 సెకండ్ల ఆ వీడియోలో ఆ మహిళ... రెయిలింగ్ పై నిలబడి... కిటికీ అద్దాలను గుడ్డతో శుభ్రం చేస్తోంది. కిటికీ అద్దాలు తుడవాలి అంటే... ఏదైనా కర్రకు గుడ్డను కట్టి తుడవొచ్చు. లేదా అద్దాలు తుడిచే పొడవైన బ్రష్ వాడొచ్చు. అది మానేసి డైరెక్టుగా ఆమే రెయిలింగ్ ఎక్కి ఇలా చెయ్యడం నెటిజన్లను ఉలిక్కిపడేలా చేస్తోంది. ఆమె అక్కడ జారివుంటే ఏమయ్యేది అన్నది అందరి మదిలో మెదులుతున్న ప్రశ్న. (woman stands on railing of fourth floor)

రెయిలింగ్ పై నిలబడిన ఆమె ఎలాంటి జాగ్రత్తలూ తీసుకోలేదు. నడుముకి సేఫ్టీ గేర్ ఏదీ లేదు. ప్రాణాలకే ప్రమాదకరమైన ఫీట్ చేసింది. ఆ వీడియో చూసి నెటిజన్లు ఆమెపై ఫైర్ అవుతున్నారు. అదో తెలివితక్కువ పని అంటున్నారు. అంత అవసరం ఏమొచ్చింది అని ప్రశ్నిస్తున్నారు. "ప్రాణాల కంటే ఏదీ ముఖ్యం కాదు. తగిన జాగ్రత్తలు పాటిస్తూ క్లీనింగ్ చేసుకోవాలి. ఆమె క్షేమంగానే ఉందని భావిస్తున్నాను" అని ఓ యూజర్ కామెంట్ ఇవ్వగా.. "ఇండియాలో మనుషుల ప్రాణాలకు విలువ లేదని ఇది సూచిస్తోంది" అని మరో యూజర్ కామెంట్ ఇచ్చారు. (woman dangerous feet video)

ట్విట్టర్‌లోని @IamMitesh86 అకౌంట్‌లో పోస్ట్ చేసిన ఆ వీడియోని ఇక్కడ చూడండి.


బాల్కనీకి వేలాడుతూ వ్యాయామం:
ఈమధ్య హర్యానా.. ఫరీదాబాద్‌లో ఓ వ్యక్తి ఓ అపార్ట్‌మెంట్... 12 అంతస్తు బాల్కనీకి వేలాడుతూ వ్యాయామం చేశాడు. కండరాల్ని సాగదీస్తూ... కిందకూ, పైకీ కదిలాడు. పొరపాటున కాలో, చెయ్యో జారితే... అక్కడి నుంచి కింద పడే ప్రమాదం ఉంటుంది. ప్రాణాలు గాల్లో కలిసే పరిస్థితి. అయినా సరే అతను అలా చెయ్యడంతో ఆ వీడియో సోషల్ మీడియాలో వైరల్ అయ్యింది. (workout from balcony video)

ఆ వీడియోని ఇక్కడ చూడండి

చీర కోసం గాల్లో కొడుకు ప్రాణాలు:
ఫరీదాబాద్‌లోనే ఈమధ్య ఓ తల్లి తన కొడుకును పదో అంతస్తు నుంచి 9వ అంతస్తుకి దుప్పటితో దింపింది. అక్కడ పడిపోయిన తన శారీని కొడుకుతో పైకి తెప్పించుకుంది. ఆ పిల్లాడి నడుం చుట్టూ దుప్పటిని చుట్టిన ఆమె... దాన్ని ఓ తాడులా వాడుతూ... కొడుకును పదో అంతస్తు బాల్కనీ నుంచి 9వ అంతస్తులోని బాల్కనీ లోకి దింపింది. అలా వేలాడుతూ దిగిన పిల్లాడు అక్కడ పడిన శారీని తీసుకున్నాడు. తిరిగి ఆ తల్లి కొడుకును పైకి లాగింది. ఆ పిల్లాడు కూడా అదే జోరుతో పైకి వెళ్లాడు. ఆ వీడియో చూసిన నెటిజన్లు ఆమెపై తీవ్ర విమర్శలు చేశారు. (Haryana mother hangs son from 10th floor)

ఆ వీడియోని ఇక్కడ చూడండి

సేఫ్టీ ఎక్విప్‌మెంట్ లేకుండా చేస్తున్న ఇలాంటి పనులు అందర్నీ ఆశ్చర్యపరుస్తున్నాయి. ఎందుకు ఇలా చేస్తారో అనే ప్రశ్న తలెత్తుతోంది.