video: అమెరికాలో అమ్మాయిలా డాన్స్.. వీడియోకి 1.7 కోట్ల వ్యూస్

అమెరికా (America) లాంటి దేశాల్లో వీడియోలు త్వరగా వైరల్ అవుతాయి. ఎందుకంటే వాటికి రీచబులిటీ, షేరింగ్, ప్లాట్‌ఫామింగ్ ఇలా చాలా సదుపాయాలు ఉంటాయి. చాలా యూట్యూబ్ ఛానెళ్లు కూడా అమెరికాలో రిజిస్టర్ అవుతాయి. కారణం ఎక్కువ రెవెన్యూ రాబట్టుకునే ఉద్దేశమే. సరే మన టాపిక్‌కి వస్తే... భారతీయుడైన కొరియోగ్రాఫర్ జైనిల్ మెహతా (Jainil Mehta) తరచూ అమ్మాయిలాగా డ్రెస్సులు వేసుకొని... భారతీయ సంప్రదాయ నృత్యాలు చేస్తున్నాడు. తాజాగా అతను కుర్తా, స్కర్ట్ ధరించి... అమెరికా వీధుల్లో డాన్స్ చేశాడు. ఆ వీడియో సూపర్ వైరల్ అయ్యింది. (man in skirt dance video)

ఓ ఇంట్లోంచీ మెట్లు దిగి కిందకు వచ్చిన జైనిల్... అక్కడి నుంచే డాన్స్ మొదలుపెట్టాడు. కంటిన్యూగా ఫుల్ ఎనర్జీతో చెలరేగిపోయాడు. క్లాసిక్ డాన్స్‌కి అమెరికా క్లాస్ వీధుల టచ్ ఇచ్చాడు. ఈమధ్యే రిలీజైన గంగూభాయ్ కతియావాడి (Gangubai Kathiawadi) సినిమాలోని ఝూమ్ రే గోరీ సాంగ్‌కి అదిరిపోయే గార్భా (garba) స్టెప్స్ వేశాడు. కొరియోగ్రాఫర్ అనిపించుకున్నాడు. సినిమాలో ఈ సాంగ్‌ని అలియాభట్ (Alia Bhatt)తో పిక్చరైజ్ చేశారు. జైనిల్.. అంతకుమించిన పెర్ఫార్మెన్స్ లైవ్‌లో చూపించాడు. ఆ వీడియోని ఇప్పటికే 1.7 కోట్ల మందికి పైగా చూడగా... దాదాపు 8 లక్షల మంది లైక్ చేశారు.

ఆ వీడియోని ఇక్కడ చూడండి

చిన్నప్పటి నుంచే:
జైనిల్‌కి డాన్స్ అంటే ప్రాణం. ముఖ్యంగా భారతీయ సంప్రదాయ నృత్యాలను బాగా నేర్చుకున్నాడు. ఇప్పుడు వాటిని అమెరికాలో ప్రదర్శిస్తూ ఇన్‌స్టాగ్రామ్ వీడియోలు చేస్తున్నాడు. డాన్స్ చేస్తూనే ప్రజలతో ఇంటరాక్ట్ అవుతూ ఉంటాడు. ఇలాంటి ఎన్నో వీడియోలను అతను స్కర్ట్స్ ధరించి చేశాడు.



నెటిజన్లకు జైనిల్ డాన్స్‌లు బాగా నచ్చుతున్నాయి. తాజా వీడియో చూసిన వారిలో ఒకరు "ఇది చాలా బాగుంది. నిజానికి నేను ఏమోషనల్ అయ్యాను" అని చెప్పగా... "పెర్ఫార్మెన్స్‌ను బాగా ఎంజాయ్ చేశాను. ఎంత ఎనర్జీ" అని మరో యూజర్ మెచ్చుకున్నారు. "సో నైస్.. ఈ ఫ్లోరల్ డాన్స్ నాకు బాగా నచ్చింది" అని మరో యూజర్ కామెంట్ ఇవ్వగా... "నీ గ్రేస్, నీ కాన్ఫిడెన్స్ అద్భుతం" అని మరో యూజర్ మెచ్చుకున్నారు. "ఈ వీడియోలో నువ్వు, నీ కాన్ఫిడెన్స్ ఓకే... నీతో మరో అమ్మాయి జాయిన్ అయ్యింది అది నాకు బాగా నచ్చింది" అని మరో యూజర్ కామెంట్ ఇచ్చారు. video: అవిగో తెల్ల తోక గద్దలు.. అరుదైన వీడియో వైరల్
కొంతమంది అతన్ని తప్పు పడుతున్నారు. డాన్స్ వెయ్యాలంటే... మగవారి కాస్ట్యూమ్స్‌తో వెయ్యవచ్చు కదా... స్కర్ట్స్ ఎందుకు అని ప్రశ్నిస్తున్నారు. ఇలాంటి చర్యల వల్ల అమెరికా లాంటి దేశంలో భారతదేశానికి ఉన్న మంచి పేరుపై నెగెటివ్ ప్రభావం పడవచ్చు అంటున్నారు.