Fun video: ఆ యాక్సిడెంట్.. చూస్తే నవ్వకుండా ఉండలేరు...

అతివేగం ఎప్పుడూ ప్రమాదమే. కానీ చాలా మంది ఈ రోజుల్లో పనుల బిజీ వల్ల నెమ్మదిగా ప్రయాణించలేకపోతున్నారు. వీలైతే ఇంకా వేగంగా వెళ్లేందుకు ప్రయత్నిస్తున్నారు. ఈ క్రమంలో జరిగే రోడ్డు ప్రమాదాలు... తీవ్రమైన విషాదాలకు కారణం అవుతున్నాయి. అతి వేగం వల్ల చాలా సందర్భాల్లో ప్రయాణికులు స్పాట్‌లోనే చనిపోతున్నారు. ఇప్పుడు మనం చూడబోయే వీడియోలో కూడా అలాంటి ప్రమాదం జరిగేదే.. కొద్దిలో తప్పింది (road accident video).

ఇన్‌స్టాగ్రామ్‌లోని ghantaa పేజీలో ఈ వీడియోని జనవరి 10న పోస్ట్ చేశారు. ఇందులో ఓ చోట రోడ్డు మలుపు ఉంది. అలాంటి చోట ఎవరైనా నెమ్మదిగా డ్రైవ్ చేస్తారు. కానీ ఓ కుర్రాడు వేగంగా స్కూటీ నడుపుతూ వచ్చాడు. అదే సమయంలో రైట్ సైడ్ ఆగివున్న ఓ బస్సు డ్రైవర్... బస్సును రైట్ నుంచి లెఫ్ట్‌కి తిప్పుతున్నాడు. అదే సమయంలో... కుర్రాడు స్కూటీతో వేగంగా రావడం చూసి... బస్ డ్రైవర్ సడెన్ బ్రేక్ వేశాడు (Bus and Scooty Accident video).

స్కూటీ నడిపే కుర్రాడు కూడా బస్సును చూసి... కొద్దిగా లెఫ్ట్ వైపు పోనిచ్చాడు కానీ అతి వేగం వల్ల బ్రేక్ వెయ్యలేకపోయాడు. దాంతో... స్కూటీ రోడ్డు నుంచి పక్కనున్న గడ్డిలోకి దూసుకెళ్లింది. బ్యాలెన్స్ తప్పుతున్నా... అతను అలాగే వెళ్లిపోతూ వెళ్లిపోతూ... ఓ చెట్టును ఢీకొట్టబోతూ... లక్కీగా దాని పక్క నుంచి వెళ్లగలిగాడు. అలా అతను భారీ ప్రమాదం నుంచి తప్పించుకున్నాడు. కాకపోతే... అతను స్కూటీలో పెట్టుకున్న హెల్మెట్ చెట్టు దగ్గర పడిపోయింది. దాన్ని తీసుకోకుండానే వెళ్లిపోయాడు. అతను బస్సును ఢీకొట్టినా లేక చెట్టును ఢీకొట్టినా తీవ్ర గాయాలు అయ్యేవే. (Accident escape video)

ఆ వీడియో (viral accident video)ని ఇక్కడ చూడండి.

ఈ వీడియోని లక్షల మంది మళ్లీ మళ్లీ చూస్తున్నారు. ఒక్క రోజు కూడా కాకముందే దీనికి 2 లక్షలకు పైగా లైక్స్ వచ్చాయి. నెటిజన్లు దీనిపై ఫన్నీ కామెంట్స్ ఇస్తున్నారు.

video: పోలీసులకు మస్కా.. కదిలే వ్యాన్ నుంచి పారిపోయిన ఖైదీ
"ఆ రోజు అదృష్టం కలిసొస్తే" అని ఓ యూజర్ స్పందించారు. "యమరాజు సెలవులో ఉంటే..." అని మరో యూజర్ కామెంట్ ఇచ్చారు. "భాయ్.. హెల్మెట్ కూడా తీసుకెళ్లు" అని మరో యూజర్ కామెంట్ ఇచ్చారు.

viral video: పట్టాలపై దిగిన విమానం.. ఢీకొట్టిన రైలు.. ఆ క్షణంలో...
"నీ ప్రియురాలు నీ కోసం ప్రార్థిస్తోంది" అని నాలుగో యూజర్ కామెంట్ ఇవ్వగా... "అసలైన డ్రైవర్‌ని ఇవాళ చూశాను" అని మరో యూజర్ అన్నారు. "గొప్ప విషయం ఏంటంటే... అక్కడ అన్ని కెమెరాలు ఎలా సెట్ చేశారో" అని మరో యూజర్ ఆశ్చర్యం వ్యక్తం చేశారు. మీకు కూడా అలాగే అనిపిస్తోందా?