video: పెళ్లి రిసెప్షన్‌లో గొడవ.. రోడ్డుపై ఫైటింగ్...

పెళ్లి అంటేనే సందడి. అది సాఫీగా సాగితే మంచిదే. కానీ ఒక్కోసారి గొడవలు పెళ్లిని పెటాకులు చేస్తాయి. పరిస్థితులు అదుపు తప్పుతాయి. చాలా మంది విదేశాల్లో... అందులోనూ సంపన్న దేశాల్లో జరిగే పెళ్లిళ్లలో ఏ గొడవలూ ఉండవు అనుకుంటారు. అది నిజం కాదని అప్పుడప్పుడూ కొన్ని ఘటనలు నిరూపిస్తూ ఉంటాయి. అలాంటి ఓ ఘటన... ఆస్ట్రేలియా.. సిడ్నీ శివారు ప్రాంతంలో జరిగింది. పెళ్లి తర్వాత జరిగే రిసెప్షన్‌లో మొదలైన గొడవ అంతకంతకూ పెరిగి స్ట్రీట్ ఫైట్ అయిపోయింది. గెస్టులు ఒకరికొకరు పిడిగుద్దులు గుద్దుకున్నారు. రోడ్లపైకి వచ్చి తన్నుకుంటూ, తోసుకుంటూ నానా యాగీ చేశారు. ఇప్పుడీ వీడియో వైరల్ అయ్యింది. (marriage reception fight)

శనివారం రాత్రి మోస్మాన్‌లో ఈ ఘటన జరిగింది. వైరల్ క్లిప్‌ని గమనిస్తే... పెళ్లికి వచ్చిన వారు ఫార్మల్ డ్రెస్సుల్లో ఉన్నారు. వారిలో వారు పిడిగుద్దులు గుద్దుకున్నారు. ఓ వ్యక్తి ఏకంగా రోడ్డుపై స్పృహ తప్పి పడివున్నాడు. అయినప్పటికీ మరికొందరు అతన్ని కొడుతూనే ఉన్నారు. గొడవ వద్దని కొంత మంది మహిళలు, యువతులూ... వారిని వారిస్తున్నా ఎవరూ వెనక్కి తగ్గలేదు. (fight after marriage)

రిపోర్టుల ప్రకారం 30 మందికి పైగా ఇలా దెబ్బలాడుకున్నట్లు తెలిసింది. ఇదంతా చూసి ఆశ్చర్యపోయిన స్థానికులు పోలీసులకు కాల్ చేశారు. స్పృహతప్పి పడిపోయిన వ్యక్తిని ముఖంపై గుద్దడంతో అతని ముక్కు పచ్చడైందని తెలిసింది. బట్టతల ఉన్న ఓ వ్యక్తి... ఓ మహిళను కూడా నేలపైకి తోసేసి... మరో గెస్టు దగ్గరకు వెళ్లినట్లు ఫుటేజ్ లో ఉంది. (sydney street fight)

"ఇదంతా పెళ్లి తర్వాత జరిగింది. ఎక్కడ తేడా వచ్చిందో తెలియదు. కానీ వరుడి తరపు వారు, ఇతర అతిథులకూ మధ్య ఫైటింగ్ జరిగింది. వారిలో వారే కొట్టుకున్నారు" అని ఈ వీడియో షూట్ చేసిన వ్యక్తి తెలిపారు. ప్రస్తుతం దీనిపై పోలీసులు దర్యాప్తు చేస్తున్నారు.

ఆ వీడియోని ఇక్కడ చూడండి (street fight video)

"ఇక్కడి రెండు పాపులర్ వెడ్డింగ్ వెన్యూలకు బయట ఈ గొడవ జరిగింది. గొడవ తగ్గుతుందనుకుంటే పెరిగింది" అని ఈ దృశ్యాన్ని చూసిన ఓ వ్యక్తి తెలిపారు. (viral video)

"రకరకాల గ్రూపులు కొట్టుకుంటాయి. ఏం జరుగుతోంది, ఎవరు ఏం చేస్తున్నారు, ఆ కారు అతన్ని ఢీకొట్టిందా? అందరూ బాగానే ఉన్నారనీ, ముఖ్యంగా రోడ్డుపై పడిపోయిన వ్యక్తి బాగానే ఉన్నారని భావిస్తున్నాను" అని మరో యూజర్ తెలిపారు.
video: రోడ్డుపై పోలీస్ కారు.. దూసుకొచ్చిన టైరు.. తర్వాతేమైందో తెలుసా?
మొత్తానికి సిడ్నీలో జరిగిన ఈ గొడవ కాస్తా ఇప్పుడు ప్రపంచమంతా హాట్ టాపిక్ అయ్యింది.