viral video: భాంగ్రా డాన్స్ చేసిన వధువు.. అదిరింది అంటున్న నెటిజన్లు

మన దేశం గొప్పది అని మనం ఊరికే చెప్పుకోవట్లేదు. అందుకు చాలా కారణాలు ఉన్నాయి. భిన్నత్వంలో ఏకత్వం, భిన్న మతాలు, భిన్న భాషలు, భిన్న సంస్కృతులు, ఆచారాల సమ్మేళనం భారతదేశం. మన దేశంలో ఎన్నో నృత్యరీతులు ఉన్నాయి. వాటిలో జానపద నృత్యం భాంగ్రా చూడటానికి చాలా బాగుంటుంది. సినిమాల్లో చూపించే భాంగ్రా వేరు.. రియల్ గా కనిపించే భాంగ్రా వేరు. ఒరిజినల్ భాంగ్రా డాన్స్ చూడచక్కగా ఉండటమే కాదు... అందులో ఎంతో వైవిధ్యం కనిపిస్తుంది. అలాంటి డాన్స్ వేసేవారు తక్కువే. తాజాగా ఓ వధువు అదిరే స్టెప్స్ వేసి అలరించింది.

పంజాబ్ లోని మఝా ప్రాంతం నుంచి ఈ భాంగ్రా నృత్యం పుట్టింది. పంట చేతికి వచ్చే సమయంలో... ఆనందంతో ఈ జానపద నృత్యాన్ని చేశారు. ఒకేసారి ఎక్కువ మంది ఈ నృత్యం చేస్తారు. ఇందులో వేగంగా కదలదం, వంగడం, శరీరాన్ని విల్లులా వంచడం, చేతులు, కాళ్లు కదపడం ఇలా చాలా భంగిమలు ఉంటాయి. తాజా వీడియోలో వధువుతోపాటూ... మరికొంత మంది ఈ డాన్స్ వేశారు.

ఇన్‌స్టాగ్రామ్ లోని theweddingministry అకౌంట్ లో ఈ వీడియోని జనవరి 20న పోస్ట్ చేశారు. అప్పటి నుంచి ఇప్పటివరకు దీన్ని లక్షల మంది చూడగా... 95వేలకు పైగా లైక్స్ వచ్చాయి. ఇందులో వధువు రాణి అర్వపల్లి.. మిగతా వారు... ఎద్ షీరాన్ పాట షేప్ ఆఫ్ యూకి భాంగ్రా డాన్స్ వేశారు. మోడ్రన్ సాంగ్ కి... జానపద నృత్యం వెయ్యడం అనేది ఈ వేడుకలో ప్రత్యేకం అయ్యింది.

ఆ వీడియోని ఇక్కడ చూడండి

వధువు రాణి అర్వపల్లి... ఇదివరకు భాంగ్రా ఎంపైర్ అనే ఆర్ట్స్ అండ్ ఎంటర్‌టైన్‌మెంట్ సంస్థలో భాంగ్రా నేర్చుకుంది. ఆమె పంజాబీ యువతి కాదు. తాను సౌత్ ఇండియన్ అని ఆమె తెలిపింది. అయినా సరే ఆమె చాలా చక్కగా భాంగ్రా స్టెప్స్ వేసింది. రాణి వేసిన డాన్స్ వీడియోని ఆ సంస్థ కూడా తన ఇన్‌స్టాగ్రామ్ అకౌంట్‌లో పోస్ట్ చేసింది.

ఆ వీడియోని ఇక్కడ చూడండి

లెహంగాలో వధువు వేసిన ఈ డాన్స్ నెటిజన్లకు బాగా నచ్చింది. రకరకాల కామెంట్స్ ఇస్తున్నారు. "భాంగ్రా రాణి" అని ఓ యూజర్ కామెంట్ ఇవ్వగా... "సూపర్బ్ పెర్ఫార్మెన్స్" అని మరో యూజర్ స్పందించారు. "మీరు ఈ డాన్స్ చెయ్యడం చూస్తే చాలా ఆనందంగా ఉంది" అని మరో యూజర్ స్పందించారు.