viral video: బస్సులో చోటు కోసం గొడవ.. జోరుగా నవ్వుల మీమ్స్

రిజర్వేషన్ లేని బస్సుల్లో సీట్ల కోసం తరచూ పెద్ద యుద్ధాలే జరుగుతుంటాయి. చాలా మంది బస్సు బస్టాండ్‌కి వచ్చే లేపే... కర్చీఫ్ లేదా తువాలును బస్సు కిటికీల్లోంచీ సీట్లలోకి విసిరేస్తారు. ఆ తర్వాత ఆ సీటు తమదని వాదిస్తారు. ఇలాంటివి మనం తరచూ చూస్తూనే ఉంటాం. అదే విధంగా... ఓ బస్సులో ఇద్దరు వ్యక్తులు సీటులో కూర్చున్నా... "నీవైపు ఎక్కువ జాగా ఉంది"... అంటే.. "లేదు నీవైపే ఎక్కువ జాగా ఉంది".. అంటూ ఇద్దరూ గొడవ పడుతున్న వీడియో సోషల్ మీడియాలో వైరల్ అయ్యింది. దాన్ని చూసి నెటిజన్లు నవ్వుకుంటున్నారు. చిన్న సీటు కోసం ఇంతలా యుద్ధం చేసుకోవాలా అని ఫన్నీ కామెంట్స్ ఇస్తున్నారు. (old men arguing for space in bus seat)

ఈ వీడియోని ట్విట్టర్ లోని @sagarcasm అకౌంట్‌లో జులై 3, 2022న పోస్ట్ చేశారు. "నేను 9వ గులాబ్ జామ్ తింటున్నప్పుడు నేను, నా పొట్ట మధ్య గొడవ" అని ఆ యూజర్ ఫన్నీ క్యాప్షన్ ఇచ్చారు. ఈ వీడియోని ఇప్పటికే 6.65 లక్షల మందికి పైగా చూడగా... దాదాపు 17 వేల మంది లైక్ చేశారు. (bus seat problem video)

ఆ వీడియోని ఇక్కడ చూడండి (viral video)
viral video: వామ్మో చీతా.. ఏం చేసిందో చూస్తే.. హార్ట్ ఎటాకే!
దీనిపై నెటిజన్లు ఫన్నీ కామెంట్స్, మీమ్స్ ఇస్తున్నారు. "చివరికి ఏమైంది? ఏ అంకుల్ గెలిచారు? ఎక్కువ జాగా ఉందా లేదా" అని ఓ యూజర్ సరదాగా ప్రశ్నించగా... "కేంద్ర ప్రభుత్వ ఉద్యోగ ఖాళీల కోసం భారతీయ ప్రజలు కేంద్రంతో చేస్తున్న గొడవ" అని మరో యూజర్ కామెంట్ ఇచ్చారు. "ఒకటేంటంటే... వాళ్లు అరుచుకుంటున్నారే తప్ప కొట్టుకోవట్లేదు. అదే మన జనరేషన్ అయితే... చిన్నదానికే కొట్టేసుకుంటున్నాం" అని మరో యూజర్ కామెంట్ ఇచ్చారు.

యూజర్ల మీమ్స్ ఇక్కడ చూడండి (viral memes)





Air Pocket: సముద్రంలో ఎయిర్ పాకెట్.. ఇదేంటో తెలుసా?
జాగా అనేది పెద్ద విషయమే. చిన్న చిన్న జాగాల కోసం దేశాల మధ్య యుద్ధాలు జరుగుతున్నాయి. సరిహద్దుల్లో ఓ రాయి ఉంటే... అది మాదంటే మాదని గొడవపడే దేశాలున్నాయి. అడవుల్లో పులులు తమ జాగా ఇదీ అని హెచ్చరించేందుకు చెట్లపై పంజాతో గీతలు, చారలూ పెడతాయి. అలాగే సర్కస్‌లో సింహం, రింగ్ మాస్టర్ మధ్య కచ్చితమైన జాగా ఉంటుంది. ఆ జాగా లేకపోతే... ఆ సింహం దాడి చెయ్యడానికి వెనకాడదు. ఇలా జాగా అనేది అంతటా సమస్యే. బహుశా అందుకే వారు అలా ఫైర్ అవుతున్నారేమో.