viral video: వామ్మో.. కాటేసిన కోబ్రా.. పరిస్థితి విషమం

పాములతో జాగ్రత్తగా ఉండాలి. ముఖ్యంగా నాగుపాములు చాలా డేంజరస్. ఎంతో విషపూరితమైనవి. ఎంతో అనుభవం ఉన్నవారికి సైతం ఆ పాముల విషయంలో అంచనాలు తప్పుతాయి. తాజాగా కేరళకు చెందిన పాముల రక్షకుడు వవా సురేష్ (vava suresh)ని నాగు పాము (cobra snake) కాటువేసింది. ఆశ్చర్యకరమైన విషయం ఏంటంటే... సురేష్ మామూలు వ్యక్తి కాదు. ఆయన కేరళలో ఫేమస్ పర్సన్. ఇప్పటివరకు 50వేలకు పైగా పాములు, ఇతర ప్రాణుల్ని రక్షించిన వ్యక్తి. ఇదివరకు ఎన్నో పాములు ఆయన్ని కాటు వేసినా... ఈసారి వేసిన కాటు ఆయన ప్రాణాలకే ప్రమాదంగా మారింది. (cobra snake bite video)

గత 20 ఏళ్లుగా పాముల్ని పట్టి సురక్షిత ప్రాంతాలకు తరలించి కాపాడుతున్నాడు 48 ఏళ్ల సురేష్. అలాంటి ఆయన తాజాగా కొట్టాయంలో ఓ నాగుపామును పట్టుకోవడానికి వెళ్లాడు. తనకు ఉన్న ఉనుభవం దృష్ట్యా ఎలాంటి పరికరాలూ వాడకుండానే పామును కంట్రోల్ లోకి తెచ్చుకున్నాడు. దాని తోకను పట్టుకొని పైకి లేపాడు. ఇక దాన్ని సంచిలో వేద్దామనుకుంటున్న సమయంలో... అది ప్యాంట్స్ పైకి దూకి... మోకాలు దగ్గర కాటువేసింది. ఆ దృశ్యం చూస్తున్న స్థానికులు తీవ్ర ఆందోళన చెందారు. పామును సంచిలో వేశాక... వెంటనే ఆయన్ని కొట్టాయం ఆస్పత్రికి తరలించారు. ఆ తర్వాత అక్కడి నుంచి కురిచీలోని మరో ఆస్పత్రికి తరలించారు. ప్రస్తుతం ఆయన పరిస్థితి విషమంగా ఉందని తెలిసింది.

సురేష్ పాముని పట్టిన వీడియోని ఇక్కడ చూడండి (vava suresh video).

2020లో ఇలాగే వైపర్ పాము కాటువేస్తే ఆయన... 4 రోజులపాటూ వెంటిలేటర్ చికిత్స తీసుకోవాల్సి వచ్చింది. అప్పుడు మృత్యువు నుంచి జయించిన ఆయన మరోసారి పోరాటం చెయ్యాల్సి వస్తోంది.

గొప్ప వ్యక్తి:
తాజా ఘటనలో 10 అడుగుల నాగుపాము తనను కాటు వేసినా ఆయన దాన్ని వదల్లేదు. జాగ్రత్తగా సంచిలో పెట్టాడు. దాన్ని కాపాడిన తర్వాతే ఆస్పత్రికి తీసుకెళ్లనిచ్చాడు. అదీ ఆయన గొప్పదనం. అందుకే స్థానికులు ఈ ఘటనపై తీవ్రంగా ఆవేదన చెందుతున్నారు. తమ ఏరియాకి వచ్చిన ఆయనకు ఇలా అయ్యిందే అని బాధపడుతున్నారు. "పాము కాటువేసిన కాసేపటికి ఆయన అపస్మారకస్థితిలోకి వెల్లిపోయాడు" అని స్థానిక వ్యక్తి ఒకరు తెలిపారు.

ఇప్పటివరకు సురేష్ ని 250కి పైగా పాములు కాటువేశాయి. సురేష్ కి కేరళ ఫారెస్ట్ డిపార్ట్ మెంట్... ఉద్యోగం ఇచ్చేందుకు ఆఫర్ ఇచ్చింది. కానీ ఆయన సున్నితంగా తిరస్కరించారు. కానీ రాష్ట్రంలో ఎవరు ఎప్పుడు పిలిచినా ఆయన వెళ్లి పాముని పట్టి... అడవుల్లో వదిలేస్తున్నాడు. కొల్లంలోని ఓ కేసులో పోలీసులు ఆయన అభిప్రాయం తెలుసుకున్నారు. ఆ కేసులో ఓ మహిళ చనిపోయింది. ఆమె నిద్రపోతున్నప్పుడు పాము కాటు వేసిందని భర్త చెప్పాడు. అది ఎంతవరకూ నిజమో తేల్చడానికి సురేష్ అభిప్రాయం తెలుసుకున్నారు పోలీసులు.

video: 14 అడుగుల నాగుపాము.. చేతులతో భలే పట్టేశాడుగా...

2013లో బ్రిటన్ నుంచి ప్రిన్స్ చార్లెస్... కేరళ వచ్చినప్పుడు సురేష్ ని కలిశారు. అప్పటికే సురేష్ 175కి పైగా నాగుపాముల్ని కాపాడాడు. "నాగుపాము కాటువేస్తే ఏనుగు కూడా గంటలోపే చనిపోతుంది. అలాంటిది నువ్వు ఇన్ని పాముల్ని కాపాడావంటే నువ్వు నడిచే అద్భుతం" అని చార్లెస్ మెచ్చుకున్నారు.

2005లో సురేష్ ని ఓ నాగుపాము కాటు వేయడం వల్ల ఆయన కుడి చెయ్యి చూపుడు వేలును కోల్పోయాడు. చాలాసార్లు పాములు కాటువేయడం వల్ల ఆయనకు పాముకాటు విరుగుడు మందు సరిగా పనిచెయ్యట్లేదని డాక్టర్లు తెలిపారు. పాముల విషం వల్ల అతని లివర్, చర్మం కూడా దెబ్బతింది. సురేష్ కి బెస్ట్ ట్రీట్ మెంట్ అందిస్తామని ప్రభుత్వం హామీ ఇచ్చింది. ప్రస్తుతం ఆయన వెంటిలేటర్ పై ఉన్నాడు. ప్రత్యేక డాక్టర్ల బృందం ఆయన్ని పర్యవేక్షిస్తోంది.