viral video: వింత జీవి.. బోట్ వెంటపడింది.. జాలరికి ముచ్చెమటలు

ఓ జాలరికి ఎదురైన విచిత్రమైన అనుభవం వైరల్ అయ్యింది. సముద్రలో ఓ వింత జీవి అతని బోటును వెంటాడింది. అందుకు సంబంధించిన వీడియో సోషల్ మీడియాలో చక్కర్లు కొడుతోంది. ఆ జాలరి బ్రెజిల్ లోని... తీరప్రాంతమైన రియో గ్రాండే డో సుల్ లో... స్పీడ్ బోటు నడుపుతున్నాడు. ఐతే... ఎక్కడి నుంచి వచ్చిందో గానీ ఓ వింత జీవి అతని బోట్ వెంటరావడం మొదలుపెట్టింది. (strange creature in sea video)

ఆ వింత జీవిని చూడగానే అతను హడలిపోయాడు. వామ్మో "ఇది నాపై దాడికి యత్నిస్తోంది" అంటూ... అతను బోటు వేగాన్ని పెంచాడు. కానీ ఆ జీవి చాలా తెలివైనదిలా ఉంది. అది కూడా వేగం పెంచింది. దాని కళ్లు బోటు లైటింగ్ పడి (రిఫ్లెక్షన్) మెరుస్తున్నాయి. ఆ జీవి... డాల్ఫిన్ల లాగా... నీటిలో మునుగుతూ, పైకి లేస్తూ అలా అలా దూసుకొస్తోంది. అతనేమో... వామ్మో.. బాబోయ్ అనుకుంటూ... వేగంగా వెళ్తున్నాడు. కాసేపు ఓవైపు వచ్చిన ఆ జీవి.. ఆ తర్వాత నీటిలో మునిగి... కొన్ని క్షణాల తర్వాత మళ్లీ పైకి వచ్చింది. అలా దాదాపు 45 సెకండ్లపాటూ అతనికి అది ముచ్చెమటలు పట్టించింది. (brazil sea creature video)

ఆ తర్వాత అది ఉన్నట్టుండి కనిపించకుండా మాయమైంది. ఆ చీకట్లో అది పొడవుగా, నల్లగా, నీటి ఏనుగులాగా, లావుగా ఉంది. మరి అది ఏంటో, ఏ రకమైన జీవో తెలియలేదు. (mysterious creature in sea video)

ఆ వీడియోని ఇక్కడ చూడండి. (viral video)

వీడియోపైన రాసి ఉన్న పదాలకు అర్థం "అది నాపై దాడికి యత్నించింది" అని. ఈ వీడియో ట్విట్టర్, ఇన్‌స్టాగ్రామ్, ఫేస్ బుక్ ఇలా అంతటా వైరల్ అవుతోంది. నెటిజన్లు దీనిపై రకరకాలుగా స్పందిస్తున్నారు.

కొంతమంది దాన్ని చూసి భయపడినట్లు కామెంట్స్ ఇస్తున్నారు. మరికొంత మంది అది సీల్ చేప కావచ్చు అంటున్నారు. ఎందుకంటే సీల్ చేప గంటకు 35 కిలోమీటర్ల వేగంతో ఈదగలదు. ఐతే... ఆ జీవి మాత్రం అంత కంటే ఎక్కువ వేగంతో బోటు వెంట వచ్చింది. కాబట్టి అది సీలా కాదా అన్నది తెలియలేదు.


మన సముద్రాల్లో సైంటిస్టులకు అప్పుడప్పుడూ వింత జీవులు కనిపిస్తూ ఉంటాయి. అవన్నీ చాలా చిన్నగా ఉంటాయి. చేపల లాగా ఉంటాయి. ఇది మాత్రం జంతువు లాగా ఉంది.

video: వెంటాడి చుక్కలు చూపించిన రైనో.. హడలిపోయిన టూరిస్టులు
బోట్ నుంచి వచ్చే శబ్దం వల్లే అది వెంటపడిందని కొందరు అంటున్నారు. బోట్ ఇంజిన్ కి శబ్దం లేకపోతే అది వచ్చేది కాదని అభిప్రాయపడుతున్నారు. అది ఏమైనా కావచ్చు... వీడియో మాత్రం వైరల్ అయ్యింది.