viral video: 10 అడుగుల పైథాన్‌తో పరాచకాలు.. రెండేళ్ల చిన్నారి ఆటలు

Child Playing with Python: కొండచిలువలు సాధారణంగా మనుషుల జోలికి రావు. వాటికి నమిలి తినే అలవాటు ఉండదు. ఏదైనా సరే అలా నోట్లోకి లాగేసుకుంటాయి. వాటిలో జీర్ణక్రియ చాలా శక్తిమంతమైనది. అది ఎలాంటి జంతువులనైనా అరిగించగలదు. మనుషుల్ని మింగాలంటే కష్టం కాబట్టి... ఈ భారీ సరీసృపాలు మనుల్ని టార్గెట్ చెయ్యవు. అలాగని పసిపిల్లల్ని కొండచిలువకు అప్పగించడం చాలా ప్రమాదం (Python child video). ఆ తల్లిదండ్రులు అదే చేసి విమర్శలపాలవుతున్నారు.

ఇన్‌స్టాగ్రామ్‌లోని nature27_12 అకౌంట్‌లో ఇవాళే ఈ వీడియోని పోస్ట్ చేశారు. ఇప్పటికే దీనికి 11వేలకు పైగా వ్యూస్ వచ్చాయి. ఇందులో ఓ రెండేళ్ల చిన్నారి... దాదాపు 10 అడుగుల కొండచిలువతో ఆడుకుంటున్నాడు. దానిపై పడుకొని జర్రున జారుతున్నాడు. దాని తలను పట్టుకొని అటూ ఇటూ పడేస్తున్నాడు. దాన్ని తమ ఇంట్లోకి వెళ్లనివ్వకుండా అడ్డుకుంటున్నాడు.

ఇదంతా చూస్తున్న తల్లిదండ్రులు తమ మొబైల్‌లో వీడియో తీస్తున్నారు. వాళ్ల మానాన వాళ్లు మాట్లాడుకుంటున్నారు. అంతే తప్ప పిల్లాణ్ని మాత్రం పాము నుంచి దూరం పెట్టట్లేదు. ఇండొనేసియా (Indonesia News)లో జరిగినట్లు తెలుస్తున్న ఈ ఘటన ఇప్పుడు వైరల్ అవుతోంది (Viral Video On Social Media). ఈ 30 సెకండ్ల వీడియోని చూసి నెటిజన్లు ఆశ్చర్యపోతున్నారు.

ఆ వీడియో (viral video)ని ఇక్కడ చూడండి

ఆ చిన్నారికి ఏం తెలుసు... అది కొండచిలువ అని. చక్కగా ఆడుకుంటున్నాడు. నెటిజన్లు ఈ వీడియో చూసి బాబోయ్ అంటున్నారు. "ఇది బాధ్యత లేని వ్యవహార శైలి" అని ఓ యూజర్ తిట్టగా... "అలా వీడియో తీస్తూ కూర్చోకపోతే పిల్లాణ్ని కాపాడవచ్చుగా" అని మరో యూజర్ కామెంట్ ఇచ్చారు. "తమ బిడ్డను చావడానికి వదిలేసినట్టున్నారు... ఇది తల్లిదండ్రుల మూర్ఖత్వమా... మరేదైనానా" అని మరో యూజర్ కామెంట్ ఇచ్చారు.

క్రిస్మస్ ప్రాంక్.. వేలాడే మనిషి.. అనుకున్నదొక్కటి.. అయ్యిందొక్కటి!
కొండచిలువకు కోపం వస్తే పిల్లాడి పరిస్థితి ఏంటి అని ప్రశ్నిస్తున్నారు. నిజమే కొండచిలువకు కోపం వస్తే... పిల్లాణ్ని తన తోకతో గట్టిగా చుట్టి ఎముకలు విరిగిపోయేలా చెయ్యగలదు. కానీ అది అలా చెయ్యకపోవడాన్ని బట్టీ... దాన్ని వారు పెంచుకుంటున్నారా అనే అనుమానం కలుగుతోంది. ఇది ఎప్పుడు జరిగిందో, ఇండొనేసియాలో ఎక్కడ జరిగిందో తెలియదు కాబట్టి... ఆ పేరెంట్స్ ఎందుకు విషయాన్ని తేలిగ్గా తీసుకుంటున్నారన్నది స్పష్టం కావట్లేదు.