ప్రియుడిని వదలనన్న భార్య.. ‘అది’ కోసి పోలీస్ అధికారిపై భర్త ప్రతీకారం

భార్య విడాకులు అడిగిందనే కారణం.. ఓ పోలీస్ అధికారి ప్రాణం తీసింది. ఈ దారుణానికి పాల్పడిన తర్వాత ఆమె భర్త ఓ రెస్టారెంటులో నూడుల్స్ తింటూ కనిపించాడు.

భార్యకు వేరే వ్యక్తితో అక్రమ సంబంధం ఉందనే అనుమానంతో ఓ భర్త హంతకుడిగా మారాడు. ఆమె ప్రియుడి మర్మాంగాన్ని కోసి దారుణంగా పొడిచి చంపాడు. ఈ ఘటన థాయ్‌లాండ్‌లో చోటుచేసుకుంది.

Samayam Telugu

విడాకులు అడిగిందని..

45 ఏళ్ల అమోర్నరాక్ జిత్కోకు తన భార్య నాయిపై అనుమానం ఉంది. ఆమెకు ఎవరితోనో అక్రమ సంబంధం నడుపుతోందని భావించాడు. ఇటీవల ఆమె విడాకులు కోరడంతో అతడి అనుమానం మరింత బలపడింది. ఆమె తన ప్రియుడిని పెళ్లి చేసుకోడానికే తన నుంచి విడాకులు కోరుతుందని భావించాడు. ఊహించినట్లే.. ఆమె ఓ వ్యక్తితో కనబడేసరికి ఆగ్రహం కట్టలు తెంచుకుంది.

కారును తగలబెట్టి.. మర్మాంగాన్ని కోసి..

అతడి అనుమానం ప్రకారమే జిత్కో భార్య నాయి ఆ వ్యక్తి నివసించే ప్రాంతంలో కనిపించింది. దీంతో జిత్కో అతడిని ఇంటి నుంచి బయటకు లాగి, కారును తగలబెట్టాడు. అనంతరం కత్తితో 23 సార్లు పొడిచి మర్మంగాన్ని కోసేసి చంపేశాడు. ఈ ఘటనపై సమాచారం అందుకున్న పోలీసులు ఘటనా స్థలికి వెళ్లి శవాన్ని స్వాధీనం చేసుకున్నారు. చనిపోయిన వ్యక్తిని జుమ్రాస్ డోల్జియో అనే పోలీస్ అధికారిగా గుర్తించారు.

నూడుల్స్ తింటూ దొరికాడు

హత్య జరిగిన రెండు రోజుల తర్వాత జిత్కో ఓ రెస్టారెంటులో నూడుల్స్ తింటూ కనిపించాడు. పోలీసులు అరెస్టు చేయడానికి వచ్చినా బెదరకుండా అక్కడే కుర్చున్నాడు. అతడిని చంపింది తానేనని, తన భార్య పోలీస్ కార్టర్స్ వద్ద కనిపించడంతో అతడిని కలిసేందుకు వెళ్లిందనే అనుమానం కలిగిందని తెలిపాడు. అతడితో 2018 నుంచి ఆమెకు సంబంధం ఉందని, అతడిని వదలాలని చెప్పినా ఆమె మాట వినలేదని పేర్కొన్నాడు. ఆమెకు విడాకులు ఇచ్చే ముందు అతడిని చంపేయాలని నిర్ణయించుకున్నా అంటూ నేరాన్ని అంగీకరించాడు.

Also Read: 16 ఏళ్లుగా భార్య శవం పక్కనే నిద్ర.. ఇది ఓ భర్త ప్రేమ కథ!