తండ్రిని టీవీ రిమోట్‌తో చంపేసిన కూతురు, ఇదో అరుదైన కేసు!

ఎవరైనా కత్తులతో పొడిచి చంపుతారు, లేదా బలమైన వస్తువుతో కొట్టి చంపుతారు. కానీ, ఆమె తేలికపాటి రిమోట్‌తో నిండు ప్రాణాలను బలిగొంది. చిత్రం ఏమింటంటే.. ఈ కేసును సీరియస్‌గా తీసుకోవలసిన పోలీసులు విచిత్రంగా పరిగణించారు. ఆ దేశంలో రిమోట్‌తో హత్య చేసిన తొలి మహిళగా నిందితురాలికి గుర్తింపు ఇచ్చారు.

యూకేలోని బ్రిస్టోల్‌కు చెందిన నికోలా టౌన్‌సెండ్ (50) తన తండ్రి టెరెన్సే(78)తో కలిసి జీవిస్తోంది. తండ్రితో వాగ్వాదానికి దిగిన నికోలా ఆగ్రహంతో తండ్రి మీదకు రిమోట్ విసిరింది. ఆ నొప్పితో కిచెన్‌లోకి వెళ్లి కిందపడ్డాడు. దీంతో పక్కటెములు విరిగిపోయాయి. దానివల్ల శ్వాసనాళసంబంధ నిమోనియా(Bronchopneumonia)తో చనిపోయాడు. ఆ రిమోట్ తలకు తగలడం వల్ల అతడికి తీవ్ర గాయమైనట్లు గుర్తించారు. ప్రస్తుతం నికోలా బెయిల్‌ మీద బయటకు వచ్చింది. ఈ ఘటనపై కోర్టు త్వరలోనే తీర్పు వెల్లడించనుంది. అయితే, ఈ కేసును కోర్టు ప్రత్యేకంగా భావిస్తోంది. బ్రిటన్ చరిత్రలో రిమోట్‌ను ఆయుధంగా ఉపయోగించిన తొలి మహిళగా నికోలాను గుర్తించింది.

Read Also: లిఫ్ట్ ఇస్తాడు, హత్యచేసి శవాలను రేప్ చేసి.. తినేస్తాడు, తల్లినీ వదలని రాక్షసుడు!