వీడియో: కారు గుద్దింది, ఎస్‌యూవీ తొక్కేసింది, అయినా.. ఆమె బతికింది!

స్కూటర్ మీద వెళ్తున్న ఆమెను ఓ కారు ఢీకొట్టింది. దీంతో ఆమె రోడ్డు మీద పడింది. అదే సమయంలో ఆ రోడ్డులోకి మలుపు తిరిగిన ఎస్‌యూవీ వాహనం ఆమె మీదకు ఎక్కేసింది. ఈ ఘటనలో చిత్రం ఏమిటంటే.. రెండు ప్రమాదాలు ఒకేసారి ముంచుకొచ్చినా ఆమె ప్రాణాలతో బయటపడింది. సోషల్ మీడియాలో వైరల్‌గా మారిన ఈ ఘటన వివరాలివీ..

Read also: బర్త్‌డే గిఫ్టుకు డబ్బుల్లేవని.. 13 ఏళ్ల కూతురిపై తండ్రి అత్యాచారం

చైనాలోని మంషాన్ నగరంలో నివసిస్తున్న ఓ మహిళ స్కూటర్‌పై వెళ్తుండగా వేగంగా వెళ్తున్న ట్యాక్సీ ఢీకొట్టంది. దీంతో ఆమె రోడ్డు మీదకు ఎగిరిపడింది. అయితే, ఆ షాక్‌లో ఆమె వెంటనే పైకి లేవలేకపోయింది. అదే సమయంలో అటుగా వచ్చిన ఎస్‌యూవీ ఆమె మీదకు ఎక్కింది. సిగ్నల్ వద్ద కుడివైపు మలుపు తిరిగిన ఎస్‌యూవీ డ్రైవర్‌కు రోడ్డు మీద పడివున్న మహిళ కనిపించలేదు. దీంతో అతడు ఆమె మీదకు వాహనాన్ని ఎక్కించాడు.

Read also: వ్యక్తిపై పడిన పిడుగు.. సెకన్ల వ్యవధిలో కుప్పకూలాడు

అటుగా వెళ్తున్న పాదచారులు వెంటనే ఆ ఎస్‌యూవీని అడ్డుకున్నారు. దాన్ని పైకి లేపి టైర్ల కింద చిక్కుకున్న మహిళను బయటకు తీశారు. ఈ వీడియో సోషల్ మీడియాలో వైరల్‌గా మారింది. ట్విట్టర్‌లో 11వేల మంది వీక్షించారు. అయితే, స్కూటర్ నుంచి కిందపడిన వెంటనే ఆమెను ఎవరూ పైకి లేపడానికి ప్రయత్నించలేదు. ఎస్‌యూవీ ఢీకొట్టే సమయానికి అక్కడ పాదచారులు ఉండటంతో ఆమె ప్రాణాలతో బయటపడింది.

Read also: రోడ్లు బాగాలేదని.. మేయర్‌ను ట్రక్కుకు కట్టి ఈడ్చుకెళ్లిన ప్రజలు