మహిళకు ఒకేసారి 6 వ్యాక్సిన్లు.. ఆమె పరిస్థితి ఎలా ఉందంటే..

అసలే వ్యాక్సిన్సులు లేవంటే.. ఓ మహిళకు ఏకంగా ఒకేసారి ఆరు వ్యాక్సిన్లు వేశారు. అయితే, ఇది తెలిసి చేసిన పని కాదట. పొరపాటున అలా జరిగిపోయిందట. అదెలా సాధ్యం? అని అనుకుంటున్నారా? అయితే, మీరు ఇటలీలో చోటుచేసుకున్న ఈ ఘటన గురించి తెలుసుకోవల్సిందే. టుస్కానీ ప్రాంతానికి చెందిన 23 ఏళ్ల మహిళ.. నోవా హాస్పిటల్‌లో వ్యాక్సిన్ తీసుకోవడానికి వెళ్లింది. హెల్త్ వర్కర్లు ఆమెకు ఫైజర్ బయోఎంటెక్ (Pfizer BioNTech) కోవిడ్-19 వ్యాక్సిన్ వేశారు. అయితే, ఆమెకు విడతల వారీగా వ్యాక్సిన్ వేసి ఉంటే పొరపాటు తెలుసుకొనేవారు. కానీ, అలా జరగలేదు.

ఆమెకు టీకా వేసిన హెల్త్ వర్కర్.. సీసాలోని వ్యాక్సిన్ మొత్తం సిరంజీలోకి ఎక్కించింది. ఆరు డోసులతో సమానమైన ఆ వ్యాక్సిన్ మొత్తాన్ని ఆమెకు పొడిచింది. ఈ పొరపాటును గుర్తించిన వెంటనే వైద్యులు వెంటనే ఆమెను హాస్పిటల్‌లో భర్తీ చేసి 24 గంటలు అబ్జర్వేషన్‌లో ఉంచారు. ఓవర్ డోస్ వల్ల ఆమెకు ఏమైనా సైడ్ ఎఫెక్ట్స్ వస్తాయేమోనని వైద్యులు కంగారు పడ్డారు. అయితే, ఆమె ఆరోగ్యంగానే ఉండటంతో అంతా ఊపిరి పీల్చుకున్నారు.

Also Read: కిల్లర్ లేక్.. ఒకే రాత్రి 1,746 ప్రాణాలు తీసిన సరస్సు, చంపింది నీరు కాదు నిప్పు కాదు!

ఈ టీకా పొందిన యువతి అదే హాస్పిటల్‌లో సైకాలజీ విభాగంలో ఇంటర్న్‌గా పనిచేస్తోంది. తన వయస్సు గల యువతకు వ్యాక్సిన్సులు కూడా వేసింది. ఆమెకు ఓవర్ డోస్ వేశారనే సమాచారం తెలుసుకున్న హాస్పిటల్ యాజమాన్యం వెంటనే అంతర్గత విచారణ చేపట్టారు. అది పొరపాటున జరిగిన తప్పిదమేనని, కావాలని చేసినది కాదని హాస్పిటల్ అధికార ప్రతినిధి డేనియెల్లా జియానెల్లి తెలిపారు.

Also Read: ఒక పాట.. వందలాది ఆత్మహత్యలకు కారణమైంది, ఎలాగో తెలుసా?