video: కేఫ్‌లో ల్యాప్‌టాప్ తెరిచింది.. అనుకోనిది జరిగిపోయింది..

మనం షాపుకో, కేఫుకో వెళ్లినప్పుడు... మీ వస్తువులకు మీదే బాధ్యత అని బోర్డ్ రాసి ఉంటుంది. ఎందుకంటే ఆ వస్తువు పోతే... షాపు వాళ్లను డిమాండ్ చేయలేం. అది మన వస్తువు కాబట్టి... మనమే జాగ్రత్త చేసుకోవాలన్నది వారి బోర్డు ఉద్దేశం. అలాంటి బోర్డు ఎందుకు పెడతారంటే... చోరీ ఎలాగైనా జరగొచ్చు. దొంగలు ఎటునుంచైనా రావచ్చు. అలాంటి సందర్భం ఒకటి ఓ కేఫ్‌లో జరిగింది. ఓ రద్దీ ప్రదేశంలో ఆ కేఫ్ ఉంది. అక్కడ పెద్దగా కస్టమర్లు లేరు. కొన్ని టేబుల్స్ ఖాళీగానే ఉన్నాయి. ఓ మహిళ... కేఫ్ బార్‌టెండర్ దగ్గర కూర్చొని.. ల్యాప్‌టాప్ తెరచి.. అందులో ఏదో పని చేసుకుంటోంది. (laptop theft video)

ఇంతలో బయటి నుంచి తలకు హెల్మెట్ ధరించి... వెనక ఓ భారీ బ్యాగ్ తగిలించుకొని ఓ వ్యక్తి కేఫ్‌లోకి వచ్చాడు. ఆమె అతన్ని ఓసారి అలా చూసి... తిరిగి తన పనిలో నిమగ్నమవ్వబోతుండగా... అతను ఆమె దగ్గరకు వచ్చి... ల్యాప్‌టాప్‌ని ఒక్కసారిగా లాక్కొని పారిపోబోయాడు. షాకైన ఆమె... అంతలోనే కోలుకొని... ల్యాప్‌టాప్‌కి తగిలించివున్న అడాప్టర్ వైరును బలంగా పట్టుకుంది. దాంతో దొంగ ఆటలు సాగలేదు. ల్యాప్‌టాప్ అతని చేతి నుంచి కింద పడింది. (thief attacks woman video)

కిందపడిన ల్యాప్‌టాప్‌ని వెంటనే తీసుకున్న ఆమె... దాన్ని బలంగా పట్టుకుంది. అక్కడి కేఫ్‌ ఉద్యోగి ఇదంతా చూస్తూ ఉన్నాడు. ఆ దొంగ మరోసారి లోపలికి వస్తుంటే... ఆమె అతన్ని అడ్డుకునేందుకు ప్రయత్నించింది. ఓ కుర్చీతో అతన్ని కొట్టబోయింది. ఇంతలో మిగతా కస్టమర్లు ఆమెకు సపోర్టుగా ఉంటూ... అక్కడి కుర్చీలతో అతన్ని అడ్డుకున్నారు. ఓ కస్టమర్ ఆ దొంగను బయటకు తరిమేశాడు. ఇదంతా అక్కడి సీసీటీవీ కెమెరాలో రికార్డ్ అయ్యింది. (viral theft video)

ఈ వీడియోని ట్విట్టర్‌లోని ViciousVideos అకౌంట్‌లో మార్చి 13న పోస్ట్ చేశారు. దీన్ని ఇప్పటివరకు 44 వేల మంది దాకా చూశారు. (theft video)

ఆ వీడియోని ఇక్కడ చూడండి (viral video)

దీనిపై నెటిజన్లు బాగా స్పందిస్తున్నారు. "ఆమె కేబుల్‌ని వెనక్కి లాగడం ద్వారా ల్యాప్‌టాప్‌ని తిరిగి పొందగలిగింది. కానీ ఆ కేబుల్ ఊడిపోకుండా ఎలా ఉంది" అని ఓ యూజర్ డౌట్ వ్యక్తం చెయ్యగా... అది కెన్సింగ్టన్ లాక్ స్లాట్‌ (Kensington lock slot)కి ఉందని మరో యూజర్ తెలిపారు.
video: మొసలి కోసం నీటి లోంచీ వచ్చిన జాగ్వార్.. సరిగ్గా అప్పుడే...
"ఆ కేబుల్ చాలా బాగుంది" అని మరో యూజర్ అభిప్రాయపడ్డారు. "అక్కడ అందరిలోకీ సైలెంటుగా ఉన్నది బార్‌టెండరే" అని మరో యూజర్ అతన్ని తప్పుపట్టారు.