తలపై పాల గ్లాసుతో స్విమ్మింగ్.. ఏం టాలెంట్ మేడమ్!

తల అటూ ఇటూ ఆడించకుండా ఈత కొట్టగలరా? చాలా కష్టం కదూ. మనం ఈత కొడితే.. తెలియకుండానే శరీరం అష్ట వంకరలు తిరుగుతుంది. అయితే, ఆమె మాత్రం తల తిప్పకుండా ఎంతో నిదానంగా ఈ కొడుతుంది. ఎంత నిదానంగా అంటే.. తలపై పాల గ్లాసు పెట్టినా.. ఒక్క చుక్క కూడా కింద నీటిలో పడదు. ఔను నిజమండి. నమ్మబుద్ధి కావడం లేదా? అయితే, ఈ వీడియో చూస్తే మీరు తప్పకుండా ఆశ్చర్యపోతారు.

అంత చక్కగా ఈత కొడుతున్న ఆమె ఎవరా అని ఆలోచిస్తున్నారా? ఆమె మరెవ్వరో కాదు.. 23 ఏళ్ల వయసులోనే 5 ఒలింపిక్స్ గోల్డ్ మెడల్స్ సాధించిన క్యాటీ లెడెస్కీ. టిక్‌టాక్‌లోని ‘గాట్ మిల్క్ ఛాలెంజ్’లో భాగంగా ఆమె ఇలా ప్రయత్నించింది. చాక్లెట్ మిల్క్‌తో నిండిన గ్లాసును తలపై పెట్టుకుని ఎంతో సులభంగా ఈత కొట్టేసింది. అవతలి వైపుకు చేరాక తలపై ఉన్న పాలను తీసుకుని తాగేసింది. ఈ వీడియో ఇప్పుడు సోషల్ మీడియాలో వైరల్‌గా చక్కర్లు కొడుతోంది. మరి ఇంకెందుకు ఆలస్యం.. మీరూ చూసేయండి మరి.