చనిపోదామని సముద్రంలో దూకింది.. 8 గంటల తర్వాత ఇలా

రెండేళ్ల కిందట మిస్సయిన మహిళ.. సముద్రంలో తేలుతూ కనిపించింది. పైగా ఆమె ప్రాణాలతో ఉండటం గమనార్హం. కొలంబియాలో చోటుచేసుకున్న ఈ ఘటన సోషల్ మీడియాలో వైరల్‌గా మారింది. చనిపోయేందుకు సముద్రంలో దూకి 8 గంటలైనా.. ఆమె ప్రాణాలు పోలేదు. పైగా ఆమె ఊహించని రీతిలో నీటిపై తేలుతూ కనిపించింది. సమయానికి జాలర్లు ఆమెను గుర్తించి.. రక్షించడంతో ప్రాణాలతో బయటపడింది.

46 ఏళ్ల ఏంజెలికా గైటన్.. రెండేళ్ల నుంచి కనిపించడం లేదు. దీంతో కుటుంబికులు ఆమె కోసం వెతికి, ఇక లాభం లేదనుకుని ఆశలు వదిలేశారు. తాజాగా రొలాండో విస్బాల్ అనే జాలరి బోటులో చేపల వేటకు వెళ్తుండగా.. దూరంగా ఏదో చెక్క దుంగలా కనిపించింది. దగ్గరకు వెళ్లే చూస్తే.. ఓ మహిళ తేలుతూ కనిపించింది. ఆమె మరెవ్వరో కాదు.. గైటన్. రెండేళ్ల నుంచి కుటుంబానికి దూరంగా ఉంటున్న ఆమె జీవితంపై విరక్తి కలిగి సముద్రంలో దూకి ఆత్మహత్యకు ప్రయత్నించింది. ఆ తర్వాత ఏమైందనేది ఆమెకు కూడా తెలీదు.

‘‘నేను నీటిలోకి దూకగానే స్పృహ కోల్పోయాను. ఆ తర్వాత ఏం జరిగిందో తెలీదు. నా చేతికి నావికలు సేఫ్టీ కోసం ఉపయోగించే ఆ వస్తువు నా చేతికి ఎలా తగిలిందో తెలీదు. దేవుడు నాకు రెండో జన్మ ఇచ్చాడు. నేను చనిపోవడం దేవుడికి ఇష్టం లేదు. నేను ఇతరులకు సాయం చేయడం ద్వారా దేవుడిచ్చిన ఈ జీవితాన్ని సద్వినియోగం చేసుకుంటా’’ అని తెలిపింది. ఆమె సుమారు ఎనిమిదిన్నర గంటలకు పైగా నీటిలోనే ఉందని జాలర్లు తెలిపారు. ఆమెను నీటి నుంచి బయటకు తీసిన వెంటనే నీరు తాగించామని, ఈ సందర్భంగా ఆమె భావోద్వేగానికి గురైందన్నారు.

Read Also: నడి సముద్రంలో బాలిక.. 50 ఏళ్ల తర్వాత బయటపడిన హత్యాకాండ!

భర్త హింస భరించలేక..: భర్త తనను చిత్ర హింసలకు గురిచేసేవాడని, పోలీసులకు ఫిర్యాదు చేసినా.. మందలించి వదిలేసేవారని గైటన్ మీడియాకు తెలిపింది. పోలీసు స్టేషన్ నుంచి తిరిగి వచ్చిన మరింత దారుణంగా కొట్టేవాడని, అతడి వేధింపులు భరించలేక రెండేళ్ల కిందట (2018లో) ఇల్లు వదిలి వెళ్లిపోయానని తెలిపింది. ఓ చోట రెండేళ్లు ఆశ్రయం పొందానని తెలిపింది. భర్త తనని తిరిగి ఇంటికి తీసుకెళ్లేందుకు వచ్చాడని, దీంతో తనకు ఆశ్రయం కల్పించినవారు అతడిని వెళ్లిపోవాలని చెప్పారన్నారు. తనకు భర్తతో మళ్లీ జీవించడం ఇష్టం లేదని, అందుకే సముద్రంలోకి దూకి చనిపోవాలని అనుకున్నానని తెలిపింది. సముద్రంలో తేలుతూ కనిపించిన గైటన్‌ను జాలర్లు ఎలా రక్షించారో ఈ కింది వీడియోలో చూడండి.

వీడియో: