4వ అంతస్తు నుంచి పడబోయిన చిన్నారి.. మెరుపు వేగంతో కాపాడిన తల్లి!

ఓ చిన్నారి 4వ అంతస్తు నుంచి కిందిపడబోతుండా.. అతడి తల్లి మెరుపు వేగంతో స్పందించింది. ఒక్క ఉదుటున ముందుకు ఉరికి అతడి ప్రాణాలు రక్షించి.. అబ్బురపరిచింది. ఈ ఘటన కొలంబియాలోని మెతెయిన్‌లో చోటుచేసుకుంది. సోషల్ మీడియాలో వైరల్‌గా మారిన ఈ వీడియో చూసిన నెటిజనులు ఆమెను ప్రశంసలతో ముంచెత్తుతున్నారు.

ఓ మహిళ తన కొడుకుతో కలిసి 4వ అంతస్తులోకి వెళ్లి తలుపు వద్ద నిలుచుంది. ఆమె ఫోన్ మాట్లాడుతుండగా ఆమె కొడుకు బాల్కానీ వద్దకు వెళ్లాడు. గ్రిల్స్‌కు అద్దం ఉందనుకుని దానికి ఆనుకోబోయాడు. దీంతో పట్టుతప్పి కిందపడబోతుండగా.. తల్లి మెరుపు వేగంతో అతడి కాళ్లు పట్టుకుంది. గట్టిగా కేకలు పెట్టడంతో ఆ ఫ్లోర్‌లో ఉన్నవారంతా హుటాహుటిన అక్కడికి చేరి ఆ చిన్నారిని సురక్షితంగా పైకి లాగారు. అక్కడ ఉన్న సీసీటీవీ కెమెరాల్లో ఈ ఘటన రికార్డైంది.