World's Largest Plane Airbus A380 Sways Dangerously Sideways While Landing
వీడియో: తుఫాన్‌లో సాహసం.. ప్రపంచంలోనే అతిపెద్ద విమానం ప్రమాదకర ల్యాండింగ్
ఒక పక్క తీవ్రమైన తుఫాన్ గాలులు.. మరో పక్క ప్రపంచంలోనే అతి భారీ విమానం ల్యాండింగ్.. ‘ప్రకృతి vs మానవ సృష్టి’ మధ్య జరిగిన ఈ పోరును చూస్తే గుండె దడ పెరిగిపోతుంది.
Samayam Telugu17 Feb 2020, 3:40 pm
సియరా తుఫాన్ వల్ల ఇంగ్లాండ్ అతలాకుతలమైంది. భారీ గాలులు, వర్షంతో వాతావరణం అల్లకల్లోలంగా మారింది. తాజాగా పశ్చిమ అట్లాంటిక్‌లో డెన్నీస్ తుఫాన్ విరుచుకుపడేందుకు సిద్ధమవుతోందని, ఇది సియరా కంటే రెండింతలు ప్రమాదకరమైనదని వాతావరణ అధికారులు తెలుపుతున్నారు.
Samayam Teluguవీడియో: తుఫాన్‌లో సాహసం.. ప్రపంచంలోనే అతిపెద్ద విమానం ప్రమాదకర ల్యాండింగ్
రాకపోకలకు విఘాతం
సియరా తుఫాన్ వల్ల ఇంగ్లాండ్‌లోని విమాన రాకపోకలకు తీవ్ర విఘాతం ఏర్పడుతోంది. ప్రతికూల పరిస్థితుల్లో కూడా పైలట్లు సాహోసేపతంగా విమానాలను ల్యాండ్ చేస్తున్నారు. ఇటీవల బర్మింగ్‌హమ్ విమానాశ్రయంలో ఓ విమానం గాలుల తీవ్రతకు పక్కకు ఒరిగిపోతూ ప్రమాదకరంగా ల్యాండైన వీడియో ఒకటి సోషల్ మీడియాలో ట్రెండైన సంగతి తెలిసిందే.
డెన్నీస్ తుఫాన్ గాలుల్లో ప్రమాదకర ల్యాండింగ్
ఈసారి ప్రపంచంలోనే అత్యంత భారీ విమానమైన ఇతిహాద్ ఎయిర్ బస్ A380కు ఈ పరిస్థితి ఎదురైంది. హీత్రౌ విమానాశ్రయంలో భారీ గాలులు, వర్షం మధ్య ల్యాండయ్యేందుకు సిద్ధమైన ఈ విమాన ప్రతికూల పరిస్థితులను ఎదుర్కోవలసి వచ్చింది. డెన్నీస్ తుఫాన్ వల్ల గంటకు 50 మైళ్ల వేగంతో వీస్తున్న గాలులు విమానాన్ని పక్కకు తోసేస్తున్నా.. పైలట్ ఎంతో చాకచక్యంతో ఆ విమానాన్ని ల్యాండ్ చేసేందుకు ప్రయత్నించాడు.
గాలుల వల్ల విమానం దాదాపు రన్‌వే మీద నుంచి పక్కకి వెళ్లిపోతున్నట్లే కనిపించింది. అయితే, పైలట్ ఎక్కడా ధైర్యాన్ని కోల్పోకుండా ఎంతో సురక్షితంగా విమానాన్ని కిందికి దించాడు. అబు దాబీ నుంచి లండన్ బయల్దేరిన తమ విమానం ‘క్రాబ్’ ల్యాండిగ్ చేసిందని ఇతిహాద్ ఓ ప్రకటనలో వెల్లడించింది. తీవ్రమైన గాలులు వీచే సమయంలో పైలట్ విమానాన్ని రన్‌వే మధ్యలో కాకుండా సైడ్‌వేలో ల్యాండ్ చేస్తారు. ఈ ప్రక్రియను క్రాస్ విండ్ ల్యాండింగ్ లేదా క్రాబ్ (పీత) ల్యాండింగ్ అంటారు. ఆ సమయంలో విమానం పీత నడకలా నేరుగా కాకుండా పక్కలకు తిరుగుతూ ల్యాండవుతుంది. అందుకే దానికి ఆ పేరు వచ్చింది. ఇతిహాద్ ఎయిర్ బస్ వంటి భారీ విమానాలను అలా దించడం మరింత కష్టం. ఆ కష్టాన్ని మాటల్లో చెప్పడం కంటే ఈ వీడియోలో చూస్తేనే అర్థమవుతుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
