కండల కోసం పెట్రోలియం జెల్లీ వాడాడు.. ఆ తర్వాత షాక్!

కాస్మెటిక్ సర్జరీలకు జనం బాగా అలవాటుపడుతున్నారు. లేని అందాలను బలవంతంగా తెచ్చిపెట్టుకుంటున్నారు. కొంత మందికి ఈ సర్జరీలు వికటిస్తున్నాయి. ప్రాణాలు తీస్తున్న సందర్భాలూ ఉన్నాయి. పాతికేళ్ల మాజీ సైనికుడు కిరిల్ తెరెషిన్ (Kirill Tereshin) విషయంలో అదే జరిగింది. అతను అమెరికాలో ఫేమస్ కార్టూన్ కేరక్టర్ పపాయ్ (Popeye)లా కనిపించాలి అనుకున్నాడు. అందుకోసం కండలు పెంచాలని భావించాడు. అందుకోసం సహజమైన పద్దతుల్లో ప్రయత్నించి ఉంటే బాగుండేదేమో... కానీ కృత్రిమ విధానాల్ని పాటించాడు. బెడిసికొట్టింది.

తనను చూడగానే పెద్ద పెద్ద కండలు ఉన్నవాడిలా కనిపించాలనుకున్న కిరిల్.. ఐదేళ్ల కిందట తనకు తానుగా ఇంజెక్షన్లు ఇచ్చుకున్నాడు. బలవంతంగా పెట్రోలియం జెల్లీ (petroleum jelly)ని కండరాల్లోకి జొప్పించాడు. ఫలితంగా ఇప్పుడు మూల్యం చెల్లించుకోవడమే కాదు... చేతులు ఉన్నా వాటిని పూర్తిగా వాడుకునే పరిస్థితి లేకుండా పోయింది.



కృత్రిమంగా కండరాలు పెంచుకోకూడదని సర్జియన్ దిమిత్రీ మెల్నికోవ్ హెచ్చరించారు. కానీ కిరిల్ ఆ మాట వినలేదు. కండరాల్లోకి వెళ్లిన పెట్రోలియం జెల్లీ కుళ్లిపోయి గట్టిపడింది. "ఏదైనా విష పదార్థం శరీరంలో ఎక్కువ కాలం ఉంటే... అది కిడ్నీలకు సమస్యగా మారుతుంది. చివరకు ప్రాణం పోయే ప్రమాదం ఉంటుంది" అని దిమిత్రీ మెల్నికోవ్ తెలిపారు.

వర్షం నుంచి కరెంటు ఉత్పత్తి.. ఢిల్లీ IIT ఘనత.. ఎలా?

రష్యా రాజధాని మాస్కోలో సర్జరీకి ముందు... కిరిల్... సీటీ స్కాన్ చేయించుకున్నాడు. అందులో పెట్రోలియం జెల్లీ గట్టిపడినట్లు కనిపించింది. వెంటనే డాక్టర్లు ముందుగా... ఎడమ చేతి కండలో ఉన్న జెల్లీని తొలగించారు. దానికి ముందు మరో ఆపరేషన్ కూడా జరిగింది. "నేను బుద్ధి లేకుండా చేశాను. నాకు 20 ఏళ్లప్పుడు కండరాలు ఉబ్బేలా చేసుకున్నాను. ఆ తర్వాత ఏం జరుగుతుందో ఆలోచించలేదు. చేజేతులా ఇలా చేసుకున్నాను" అని కిరిల్ ఆవేదన చెందాడు.



కిరిల్‌కి మూడో సర్జరీ కూడా విజయవంతంగానే జరిగింది. మొత్తంగా రెండు చేతుల కండరాల్లోని పెట్రోలియం జెల్లీని తొలగించారు. అతనికి ప్రాణాపాయం తప్పింది గానీ... ఓ చెయ్యిని కదపలేకపోతున్నాడు. అందులో నరాలకు తేడా జరిగింది. "నరానికి ఏదో జరిగింది. నేను నిజంగానే వర్రీ అవుతుననాను. చాలా భయపడుతున్నాను. దీని గురించి ఇదివరకు ఆలోచించలేదు. తప్పు చేశాను" అని కిరిల్ ఆందోళన చెందాడు.

చనిపోయిన 45 నిమిషాల తర్వాత మళ్లీ బతికింది! ఎలా?

క్వాలిటీ లేని పెట్రోలియం జెల్లీని వాడిన కిరిల్... జ్వరం, నొప్పి, నీరసంతో ఇబ్బంది పడ్డాడు. త్వరలోనే అతను బయోనిక్ ప్రోస్థెసిస్ (bionic prosthesis) కూడా చేయించుకోవాల్సి ఉంటుందని ఓ కామెంటర్ సలహా ఇచ్చారు. "హాయిగా జీవించక ఇలా చేసుకున్నావు... నువ్వో బుద్ధిలేని వాడివి" అని మరో యూజర్ విమర్శించారు.