103-year-old Iranian Woman Make Full Recovery From Coronavirus
అద్భుతం.. కరోనా నుంచి కోలుకున్న 103 ఏళ్ల బామ్మ! ఎలా సాధ్యమైందంటే..
వృద్ధులకు కరోనా వైరస్ సోకితే బతికే అవకాశాలు తక్కువనే సంగతి తెలిసిందే. అయితే, 103 ఏళ్ల వయస్సు గల ఈ బామ్మగారు పూర్తి ఆరోగ్యంతో కోలుకున్నారు. అదెలా సాధ్యమైందంటే..
Samayam Telugu19 Mar 2020, 1:23 pm
కరోనా వైరస్ వస్తే చంపేస్తుందనే భయం అందరినీ వెంటాడుతున్న సంగతి తెలిసిందే. అయితే, ఆ వైరస్ను తట్టుకోగలిగే శక్తి మీ శరీరానికి ఉంటే తప్పకుండా బయటపడవచ్చని చెప్పేందుకు ఈ 103 ఏళ్ల బామ్మగారే నిదర్శనం. కరోనా వైరస్ ప్రపంచవ్యాప్తంగా 2,19,246 మందికి సోకింది. ఇప్పటివరకు 8,968 మంది ఈ వైరస్ వల్ల ప్రాణాలు కోల్పోయారు. ప్రస్తుతం 1,24,533 మంది హాస్పిటల్లో చికిత్స పొందుతుండగా 94,713 మంది వ్యాధి నుంచి కోలుకున్నారు. ముఖ్యంగా 20 నుంచి 40 ఏళ్ల వయస్సు గల వ్యక్తులు ఈ వైరస్ నుంచి త్వరగా కోలుకుంటున్నారు. మధుమేహం, గుండె వ్యాధులతో బాధపడుతున్న రోగులు, 60 నుంచి 80 ఏళ్ల వయస్సు గల వృద్ధులు మాత్రం ఈ వ్యాధి నుంచి కోలుకోవడం కష్టతరంగా మారింది. (Photo: AP)
కరోనా నుంచి కోలుకుని ఆశ్చర్యపరిచిన కురువృద్ధులు
వృద్ధులకు కరోనా సోకితే బతకడం కష్టమనే భయాందోళనలు నెలకొన్న ఈ సమయంలో ఇరాన్కు చెందిన 101 ఏళ్ల బామ్మ కేసు ధైర్యాన్ని నింపుతోంది. వారం రోజుల కిందట కరోనా వైరస్తో సెమ్నాన్ హాస్పిటల్లో చేరిన ఈ బామ్మ బతకడం కష్టమని భావించారు. కానీ, ఆమె ఆ వైరస్ను తట్టుకోగలిగింది. తిరిగి తన ఆరోగ్యాన్ని సంపాదించింది. ఇదే దేశంలో కెర్మన్కు చెందిన 91 ఏళ్ల వృద్ధుడు సైతం కరోనా వైరస్ నుంచి కోలుకుని ఆశ్చర్యపరిచాడు. కేవలం మూడు రోజులు జ్వరంతో బాధపడిన అతడు.. వేగంగానే కోలుకున్నాడు. రక్తపోటు, ఉబ్బసం వ్యాధులు ఉన్నా సరే ఆయన తిరిగి ఆరోగ్యాన్ని పొందడం గమనార్హం.
చనిపోయే అవకాశాలు 21.9 శాతం
చైనా అధికారులతో కలిసి ప్రపంచ ఆరోగ్య సంస్థ నిర్వహించిన అధ్యయనంలో కరోనా వైరస్ మరణాలపై కొన్ని కీలక విషయాలు తెలిశాయి. 80 ఏళ్ల కంటే ఎక్కువ వయస్సు ఉన్నవారికి ఈ వ్యాధి సోకితే చనిపోయే అవకాశాలు 21.9 శాతం ఉన్నాయి. ఇరాన్లో ఇప్పటివరకు మొత్తం 17,361 కేసులు నమోదు కాగా, ఫిబ్రవరి 19 నుంచి ఇప్పటివరకు 1135 మంది చనిపోయారు. ఇక్కడ ఒక్క రోజులోనే 147 మంది చనిపోవడంతో ప్రభుత్వం ఉలిక్కిపడింది. శుక్రవారం ప్రార్థనలను నిషేదించింది. ప్రయాణాలపై ఆంక్షలు విధించింది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.