Video: ప్రపంచాన్ని మార్చే ఐడియా.. ఈ 14 ఏళ్ల బాలికకు తాలియా

ఇండియాలో యువతకు టాలెంట్ మామూలుగా లేదు. ఒక్కొక్కరూ ఒక్కో రకంగా దూసుకుపోతున్నరు. తమిళనాడుకు చెందిన 14 ఏళ్ల టీనేజర్ వినీషా ఉమాశంకర్ (Vinisha Umashankar) సడెన్‌గా వార్తల్లోకి ఎక్కింది. ఇందుకు రెండు కారణాలున్నాయి. ఒకటి ఆమె సోలర్ పవర్‌తో పనిచేసే ఐరన్ బాక్స్ బండిని తయారుచేయడం, రెండోది ఎకో ఆస్కార్స్ (Eco Oscars)కి ఆమె నామినేట్ కావడం. అంతేకాదు... ఈ బాలిక ఈ సంవత్సరపు ఎర్త్ షాట్ ప్రైజ్ ఫైనలిస్ట్ కూడా. ఎకో ఆస్కార్స్ అనేదాన్ని 2019లో లండన్.. కేంబ్రిడ్జి డ్యూక్ ప్రిన్స్ విలియమ్ స్థాపించారు. ఈ స్వచ్ఛంద సంస్థ... పర్యావరణానికి మేలు చేస్తూ ఎవరైన ఏదైనా మంచి పని చేస్తే.. వారికి గుర్తింపు ఇస్తోంది. మరి వినీషా చేసింది మామూలు మంచి పని కాదు... ప్రపంచ గమనాన్నే మార్చే పని. అదేంటో తెలుసుకుందాం.

మీకు తెలిసే ఉంటుంది... ప్రపంచంలో ఎక్కువ కాలుష్యం ఇచ్చే దేశాల్లో చైనా ఒకటి. ఉత్తర చైనాలో చాలా మంది బొగ్గు స్టవ్ తోనే వంటలు వండుతారు. అందువల్ల కాలుష్యం బాగా పెరుగుతోంది. మన ఇండియాలో చాలా మంది ఐరన్ చేసేవారు... ఐరన్ బాక్సులో బొగ్గు ముక్కలు వేస్తారు. దీని వల్ల పర్యావరణ కాలుష్యం మాత్రమే కాదు... ఆ బొగ్గు నుంచి వచ్చే బూడిద గాలిలో కలిసి... వారి ఊపిరి తిత్తులు కూడా దెబ్బతింటాయి. ఈ సమస్య నుంచి బయటపడేస్తోంది వినీషా.

తమిళనాడులోని తిరువన్నమలైకి చెందిన వినీషా... క్లీన్ అవర్ ఎయిర్ (Clean Our Air) అనే అవార్డు కార్యక్రమంలో పాల్గొని... తన సోలర్ పవర్ ఐరనింగ్ కార్ట్‌తో విజేతగా నిలిచింది. రోజూ తన స్కూలుకు వెళ్లే దారిలో ఆ పాప బొగ్గుతో ఇస్త్రీ చేసే బండ్లను చూసేది. బొగ్గు బదులు సోలార్ పవర్‌తో పనిచేసే ఐరన్ బాక్స్ వాడొచ్చుగా అనుకునేది. అలాంటి వారి కోసం తనే సోలర్ పవర్ ఐరనింగ్ కార్ట్ తయారుచేసింది (solar powered ironing cart).


ఈ బండి వల్ల చాలా లాభాలున్నాయి. ఐరన్‌ కోసం బొగ్గు కొనాల్సిన పని లేదు. సోలార్ పవర్ ఫ్రీగానే లభిస్తుంది. ఐరన్ చేసే వారికి ఆరోగ్యం. పర్యావరణానికి మేలు. కాలుష్యం ఉండదు. ఎక్కడికైనా బండిని తీసుకెళ్లొచ్చు. బొగ్గు కోసం అడవిలో చెట్లను నరకాల్సిన పని ఉండదు. ఇది ఇండియాకే కాదు... ప్రపంచంలోని చాలా దేశాలకు మేలు చేసే ఐడియా.

ఏంటీ అరాచకం సామీ!.. పుట్టినరోజున 550 కేకులు కట్ చేశాడు
ఈ బండిని ఎండలో 5 గంటలు ఉంచితే... దీని ద్వారా తయారయ్యే పవర్... 6 గంటలు పనిచేస్తుంది. బండి పైనా ఫోన్ ఛార్జింగ్ చేసుకునే వీలు కూడా ఉంది. ఈ కార్టులను కావాల్సినన్ని తయారుచేసి.. తక్కువ ధరకే అమ్ముతానంటున్న వినీషా... వీటిని ఆసియా, ఆఫ్రికా ఇతర దేశాలకూ ఎగుమతి చేస్తానంటోంది. చదువుకునే రోజుల్లోనే ఆమె పారిశ్రామిక వేత్త అవుతోంది.

అక్టోబర్ 17న లంండన్ లోని అలెగ్జాండ్రా ప్యాలెస్‌లో ప్రిన్స్ విలియమ్ స్వయంగా... ప్రసంగించి... అవార్డులను ప్రదానం చేస్తారు. ఈ అవార్డుకు వినీషా ఎంపికయ్యే అవకాశాలున్నాయి.