శాంటా క్లాజ్ తెచ్చిన తంటా.. 18 మంది మృతి

క్రిస్మస్ నేపథ్యంలో ప్రపంచవ్యాప్తంగా శాంటా క్లాజ్ తాతలు సందడి చేసిన సంగతి తెలిసిందే. చాలామంది శాంటా క్లాజ్ వేషంలో పేదలకు, అనాథలను సర్‌ప్రైజ్ చేస్తూ అందమైన బహుమతుల్లో ఆనందాన్ని నింపారు. అయితే, కరోనా సమయంలో ఇది కొంచెం రిస్కీ పనే. ఎందుకంటే... అలా తిరగడం వల్ల శాంటా వల్ల ఇతరులకు లేదా ఇతరుల నుంచి శాంటాకు వైరస్ ముప్పు పొంచివుంది. బెల్జియంలో ఇదే జరిగింది.

ఇటీవల శాంటా క్లాజ్ వేషంలో ఓ వ్యక్తి హెమెల్రిజక్ కేర్ హోమ్‌కు వెళ్లాడు. ఆ తర్వాత అతడిలో కరోనా వైరస్ లక్షణాలు బయటపడ్డాయి. అతడికి వైద్య పరీక్షలు చేయగా పాజిటీవ్ అని తేలింది. అయితే, అతడు కేర్ హోమ్‌కు వెళ్లినప్పుడే కోవిడ్-19 ఉండటంతో అతడి వల్ల ఇతరులకు సైతం వైరస్ సోకింది.

శాంటా క్లాజ్ ఆ కేర్ హోమ్ సందర్శించిన సమయంలో మొత్తం 121 మంది, 36 మంది సిబ్బంది ఉన్నారు. వీరిలో చాలామందికి వైరస్ సోకినట్లు తెలిసింది. అయిత, వైరస్‌కు గురైనవారిలో ఇప్పటివరకు 18 మంది చనిపోయారని అధికారులు తెలిపారు. ఈ నేపథ్యంలో అధికారులు ఈ ఘటనపై విచారణ జరిపారు.

భార్య కోసం ఏకంగా చంద్రుడిపై స్థలం కొనేశాడు.. భర్త అంటే ఇతడే!గత కొద్ది రోజులుగా బయట నుంచి ఎవరూ ఆ హోమ్‌కు రాలేదని, కేవలం శాంటా క్లాజ్ మాత్రమే వచ్చాడని, అతడి నుంచే వారికి వైరస్ సోకి ఉండవచ్చని అధికారులు భావిస్తున్నారు. సిబ్బంది సైతం శాంటా వల్లే వైరస్ వ్యాప్తి జరిగి ఉండవచ్చని అభిప్రాయం వ్యక్తం చేశారు. ఆ రోజు అతడి పరిస్థితి కూడా బాగోలేనట్లు కనిపించిందని తెలిపారు. శాంటా వేషంలో వచ్చిన వ్యక్తి ఆ హోమ్‌లో నివసిస్తున్న ఓ పెద్దాయన కొడుకు అని అధికారులు పేర్కొన్నారు. అందులో నివసిస్తున్నవారిలో ఎక్కువ మంది వృద్ధులే కావడంతో భయాందోళనలు వ్యక్తమవుతున్నాయి.