Porn వీడియోలు చూడాలంటే.. ఇక ఆ సర్టిఫికెట్ తప్పనిసరి!

పోర్న్ వీడియోలు చూడాలంటే 18 ఏళ్లు తప్పనిసరిగా నిండాలనే సంగతి తెలిసిందే. ఈ మేరకు పోర్న్ వెబ్‌సైట్లలో18+ వయస్సు వారికే ప్రవేశం అనే బటన్ ఉంటుంది. అయితే, అది నామమాత్రమే అనేది ప్రతి ఒక్కరికీ తెలిసిందే. 18 ఏళ్ల లోపు వయస్సు పిల్లలు కూడా ఆ బటన్ నొక్కి పోర్న్ వీడియోలు చూసేయొచ్చు. కానీ, ఇకపై ఆ పప్పులు ఉడకవు. ఆ వీడియోలు చూడాలంటే తప్పకుండా యూజర్ తప్పకుండా తమ వయస్సు 18+ అని నిరూపించే వివరాలను సమర్పించాలి.

యూకేలో తొలిసారిగా జులై 15 నుంచి ఈ నిబంధన అమల్లోకి రానుంది. పోర్న్ వీడియోలు చూడాలంటే యూజర్లు తమ బర్త్‌ సర్టిఫికెట్ (జనన ధ్రువీకరణ పత్రం) లేదా ఇతరాత్ర వివరాలను ఆన్‌లైన్లో సమర్పించాలి. ప్రస్తుతం ఇండియాలో పోర్న్ వెబ్‌సైట్లు నిషేదం ఉన్న నేపథ్యంలో ఎవరీ ఆ అవసరం ఉండకపోవచ్చు. అయితే, యూకేకు చెందిన పోర్న్ వెబ్‌సైట్లను చూడగలిగే సదుపాయం ఉన్నవారికి మాత్రం ఈ తిప్పలు తప్పవు.

యూకే ప్రభుత్వం ఆదేశాల ప్రకారం.. యూకేలో అనుమతి పొందిన పోర్న్ వెబ్‌సైట్లన్నీ వయస్సు ధ్రువీకరణను కఠినతరం చేయాలి. యూజర్‌కు సంబంధించిన పుట్టిన తేదీ నుంచి వయస్సును నిర్ధారించే ఇతరాత్ర ఆధారాల వరకు ప్రతి ఒక్కటీ పరిశీలించిన తర్వాతే వైబ్‌సైట్లలోకి ప్రవేశానికి అనుమతి ఇవ్వాలి. లేనట్లయితే.. ఆ వెబ్‌సైట్లను యూకే మొత్తం బ్యాన్ చేస్తారు. యూకేలో ఇంటర్నెట్ సదుపాయం ఉన్న ప్రతి ఒక్కరికి స్వేచ్ఛగా పోర్న్ వీడియోలు చూసే సదుపాయం ఉంది. దీనివల్ల పిల్లలు సైతం పోర్న్‌కు బానిసలవుతున్నారు. వారి భవిష్యత్తును దృష్టిలో పెట్టుకుని ప్రభుత్వం ఈ నిర్ణయం తీసుకుంది.