లైవ్‌ డిబేట్‌లో కిందపడిన విశ్లేషకుడు, పాక్ టీవీ చానెల్‌లో ఫన్నీ ఘటన!

ఆ టీవీ చానెల్‌లో సీరియస్‌గా డిబేట్ సాగుతోంది. ఇంతలో కూర్చీ విరిగిన శబ్దం. ఏం జరిగిందా అని చూస్తే.. ఆ కార్యక్రమంలో పాల్గోన్న ఓ విశ్లేషకుడు కిందపడటం కనిపించింది. ఇంకేముంది ఈ సన్నివేశం చూడగానే ప్రేక్షకులు గొల్లున నవ్వారు. ఆ ఆకస్మిక ఘటనకు ఎలా స్పందించాలో తెలియక టీవీ చానెల్ న్యూస్ రీడర్‌ నాలుక కరుచుకున్నాడు.

Read also: మోదీని విమర్శిస్తుండగా పాక్ మంత్రికి కరెంట్ షాక్, వీడియో వైరల్!

ఈ ఘటన పాకిస్థాన్‌లోని జీటీవీ చానెల్‌ స్టూడియోలో చోటుచేసుకుంది. సెప్టెంబరు 16న కశ్మీర్ అంశంపై ఆ టీవీలో జరిగిన చర్చకు మజార్ బర్లాస్ అనే విశ్లేషకుడు హాజరయ్యాడు. వాడీ వేడీగా చర్చ సాగుతుండగా.. మజార్ కూర్చీ విరిగింది. దీంతో అతడు కిందపడిపోయాడు. అన్నింటి కంటే చిత్రమైన విషయం ఏమిటంటే.. మజార్ కింద పడిపోతున్నా యాంకర్, మరో మహిళ విశ్లేషకురాలు పట్టీపట్టనట్లు వ్యవహరించారు. ఆ సమయంలో బ్రేక్ చెప్పాల్సిన న్యూస్ రీడర్.. నాలుక కరుచుకున్నాడు.

వీడియో:
ఇదంతా లైవ్‌లో నేరుగా ప్రసారమైంది. దీంతో నెటిజనులు ఆ క్లిప్‌ను రికార్డు చేసుకుని సోషల్ మీడియాలో వదిలారు. దీంతో అది వైరల్‌ అయ్యింది. సరిగ్గా కశ్మీర్ అంశంపై చర్చలోనే ఈ ఘటన చోటుచేసుకోవడం భారత నెటిజనులు ఆ పాక్ చానెల్‌ను ఆడేసుకుంటున్నారు. ఆ వీడియోను షేర్ చేసుకుంటూ ట్రోల్ చేస్తున్నారు. ఎవరెవరు ఏమంటున్నారనేది ఈ కింది ట్వీట్లలో చూడండి.

‘‘పాకిస్థాన్ మనపై విజయం సాధించేందుకు ఉన్న ఒకే ఒక్క దారి.. మనల్ని నవ్విస్తూ చంపేయడమే!’’
‘‘నవ్వు ఆపుకోడానికి ప్రయత్నిస్తున్న యాంకర్’’
‘‘ఆ యాంకర్ ఎక్స్‌ప్రెషన్.. కొన్ని మిలియన్లు విలువ చేస్తుంది’’

‘‘సరైన కూర్చీలే లేవు.. వాళ్లకు కశ్మీర్ కావాలంట’’

‘‘ఇన్‌స్టాల్మంట్‌లో పడ్డాడు’’


Read also: ముద్దులతో ఇండో-పాక్ అమ్మాయిలు రొమాన్స్.. సరిహద్దులు దాటిన ‘స్వలింగ’ ప్రేమ!