Video: ఈ వీడియో చూస్తే మీకు చలి వేస్తుంది.. ఎందుకంటే..!

ప్రపంచ దేశాలు క్రిస్మస్ జోష్‌లోకి వెళ్లిపోతున్నాయి. వేడుకలకు ఇంకా రెండు వారాల టైమ్ ఉన్నా... ఇప్పటి నుంచే మంచు కురుస్తుంటే... క్రిస్మస్ అప్పుడే వచ్చేసిన ఫీల్ కలుగుతోంది వారికి ప్రతి సంవత్సరం క్రిస్మస్ సమయంలో... మంచు బాగా కురుస్తుంది. విదేశాల్లో రోడ్లు, ఇళ్లు, చెట్లు, వాహనాలు అంతటా మంచే ఉంటుంది. శ్వేతవర్ణ ప్రపంచం కనిపిస్తుంది. ఆ సమయంలో ఆకాశం మబ్బులతో నిండిపోయి... అందో అందమైన లోకంలా ఉంటుంది. అలా మంచు కురుస్తున్నప్పుడు బయట తిరగడాన్ని బాగా ఇష్టపడతారు కొంత మంది. ఎందుకంటే ఎటు చూసినా ఫ్రెష్ మంచు కనిపిస్తూ... ఆ దృశ్యం అత్యద్భుతంగా ఉంటుంది. (winter season video)

తాజాగా ఓ వీడియోలో మంచు దృశ్యం నెటిజన్లకు తెగ నచ్చుతోంది. ఈ వీడియోని ఇన్‌స్టాగ్రామ్‌లోని old.time.hawkeyలో పోస్ట్ చేశారు. ఇందులో మంచు బాగా కురుస్తున్న సమయంలో... నదిలో బోట్ రైడింగ్ ఉంది. పడవలో ఓ వైపు కుక్క డొన్నీబ్రూక్ కూర్చొని ఉంది. మరోవైపున ఫ్రిట్జ్... పడవను రైడ్ చేస్తూ ముందుకు వెళ్తున్నాడు. ఈ వీడియోలో ప్రత్యేక విషయం ఒకటి ఉంది. అతను తన కుక్క పక్కన ఓ చిన్న లాంతరు దీపాన్ని వెలిగించి ఉంచాడు. బహుశా ఆ కుక్కకు వేడి కోసం అలా చేసి ఉండొచ్చు. అతను అలా గడ్డకట్టిన మంచులో పడవలో వెళ్తుంటే... ఆ దృశ్యం నయనమనోహరంగా ఉంది. (winter snow video)

ఆ వీడియో (viral video)ని ఇక్కడ చూడండి

నెటిజన్లకు ఇది బాగా నచ్చింది. డిసెంబర్ 6న పోస్ట్ చేసిన ఈ వీడియోని ఇప్పటికే 3 లక్షల మందికి పైగా చూశారు. 36 వేల మందికి పైగా దీన్ని లైక్ చేశారు. చాలా మంది ఈ వీడియోని మెచ్చుకుంటున్నారు. వీడియోలో లొకేషన్ చాలా బాగుందని అంటున్నారు. "మంచు కురిసే దృశ్యం చాలా బాగుంది" అని ఓ నెటిజన్ కామెంట్ ఇవ్వగా... "ఆ అద్భుత ప్రదేశం ఎక్కడుంది?" అని మరో యూజర్ ప్రశ్నించారు.

ఫ్రిట్జ్‌ తరచూ అడవుల్లో తిరుగుతూ ఉంటాడు. అడవుల వీడియోలను ఇన్‌స్టాగ్రామ్, టిక్‌టాక్‌లలో పోస్ట్ చేస్తూ ఉంటాడు. నవంబర్ 29న ఇలాంటిదే మరో వీడియో పోస్ట్ చేశాడు. అందులో కూడా తన కుక్కతో కలిసి అడవిలో తిరిగాడు. దానికి కూడా లక్షల వ్యూస్, 66వేలకు పైగా లైక్స్ వచ్చాయి. ఆ వీడియోని ఇక్కడ చూడండి.

క్రిస్మస్ రాకముందే మంచు వచ్చేసింది కాబట్టి... నెటిజన్లు అడ్వాన్స్‌గా క్రిస్మస్ శుభాకాంక్షలు చెబుతున్నారు. "నేను ప్రస్తుతం చాలా టెన్షన్లలో ఉన్నాను. తరచూ మీ వీడియోలు చూడటం ద్వారా కాస్త రిలీఫ్ పొందుతున్నాను" అని ఓ యూజర్ కామెంట్ ఇచ్చారు. చాలా మంది ఫ్రిట్జ్‌తోపాటూ ఆ కుక్కను కూడా మెచ్చుకుంటున్నారు.