viral video: డేంజరస్ డ్రైవింగ్.. హెచ్చరిక వీడియో షేర్ చేసిన సైబరాబాద్ ట్రాఫిక్ పోలీస్

రోడ్డుపై వాహనం ఎలా నడపాలి? ఏయే సిగ్నల్స్‌కి ఎలాంటి అర్థాలుంటాయి అనేది మనలో చాలా మందికి తెలియదు. బండి ఎక్కగానే.. వేగంగా వెళ్లిపోవాలి, ఓవర్ టేక్‌లు చేసైనా సరే.. ముందు మనమే వెళ్లాలి అనే ఆలోచన ఉంటుంది. ఈ క్రమంలో రోడ్డు రూల్స్, ట్రాఫిక్ రూల్స్‌ని పక్కన పెట్టేస్తుంటారు కొంతమంది. అది తమ ప్రాణాలకే ముప్పు అని వారు గుర్తించేలోపే దుర్ఘటనలు జరిగిపోతూ ఉంటాయి. ముఖ్యంగా ఓవర్ టేక్ చేసేటప్పుడు అత్యంత జాగ్రత్తగా ఉండాలి. మలుపుల దగ్గర అస్సలు ఓవర్ టేక్ చెయ్యకూడదు. అయినా కొంతమంది చేస్తుంటారు. అలా చేసిన ఓ టూవీలర్ వాహనదారుడికి ఎలాంటి పరిస్థితి ఎదురైందో ఓ వీడియో ద్వారా చూపించారు సైబరాబాద్ ట్రాఫిక్ పోలీసులు.

ట్విట్టర్‌లోని CYBERABAD TRAFFIC POLICE సైబరాబాద్ ట్రాఫిక్ పోలీస్ అకౌంట్‌లో జూన్ 29, 2022న పోస్ట్ చేసిన ఈ వీడియోలో దృశ్యం ఓ కారు డ్యాష్ లో రికార్డ్ అయ్యింది. ఇరుకైన రోడ్డు మలుపు ఉన్న చోట.. ఇద్దరు వ్యక్తులు... టూవీలర్‌పై వేగంగా వచ్చారు. తమ ముందు ఉన్న ట్రాలీ ఆటోని ఓవర్ టేక్ చెయ్యడానికి ప్రయత్నించారు. ఐతే.. వారు రైట్ సైడ్‌కి వెళ్తూ.. ఇండికేటర్ ఇవ్వలేదు. సరిగ్గా అదే సమయంలో రైట్ సైడ్ ఎదురుగా లారీ వచ్చింది. దాంతో ఉలిక్కిపడిన వాళ్లు... సడెన్ బ్రేక్ వేసి... లెఫ్ట్ వైపుకి టూవీలర్‌ని పోనిచ్చారు. వాళ్లు బ్రేక్ వెయ్యకపోయి ఉంటే... లారీ కింద పడే పరిస్థితి ఉంది. లక్కీగా అలా జరగలేదు. వాళ్ల వల్ల వెనక స్కూటీపై వస్తున్న మహిళకు కూడా సమస్య అయ్యింది. ఆమె మాత్రం రైట్ కి వెళ్లాలని అనుకుంటూ... ఇండికేటర్ ఆన్ చేసింది. ఆమె కూడా బ్రేక్ వేసి ఆగింది. ఈ వీడియోని షేర్ చేస్తూ ట్రాఫిక్ పోలీసులు... "ఎంతకాలం మనం అదృష్టంపై ఆధారపడతాం" అని క్యాప్షన్ ఇచ్చారు.
viral video: టీచర్ తలపై పడిన కొబ్బరిబోండాం.. కాపాడిన హెల్మెట్
ఆ వీడియోని ఇక్కడ చూడండి (viral video)
viral video: రోడ్డు ప్రమాదం.. తర్వాత విచిత్రం.. అతను గ్రహాంతరవాసా?
మోటార్ వెహికిల్స్ డ్రైవింగ్ రెగ్యులేషన్ 2017 చట్టంలోని రెగ్యులేషన్ 14 (4 d) ప్రకారం... ఇరుకైన రోడ్డులో, క్యారేజ్‌వేపై వెడల్పు తక్కువ ఉన్నచోట బండిని ఓవర్ టేక్ చెయ్యకూడదని పోలీసులు తెలిపారు. అలాగే... రెగ్యులేషన్ 14 (3) ప్రకారం.. ఎదురుగా వచ్చే వాహనాలకు అవరోధం కలిగించేలా ఓవర్ టేక్ చెయ్యకూడదు అని తెలిపారు.
viral video: రోడ్డుపై ఢీకొట్టుకున్న 2 కార్లు.. తప్పెవరిది?
పోలీసులు తరచూ ఇలాంటి హెచ్చరిక వీడియోలు, సందేశాలూ షేర్ చేస్తూనే ఉన్నారు. అయినా మనలో కొంతమంది కంట్రోల్ తప్పుతున్నారు. మన తెలుగు రాష్ట్రాల్లో జరుగుతున్న రోడ్డు ప్రమాదాల్లో ఎక్కువ శాతం అతి వేగం, నిర్లక్ష్యపు డ్రైవింగ్, మద్యం తాగి బండి నడపడం వల్లే జరుగుతున్నాయని గణాంకాలు చెబుతున్నాయి.