Exam Results WhatsApp Status: పదో తరగతి ఫలితాలు.. పరేషాన్ కావద్దు, పకపకా నవ్వేసుకోండి!

ఆంధ్రప్రదేశ్‌‌లో పదోతరగతి పరీక్ష ఫలితాలు మంగళవారం వెలువడ్డాయి. ఫలితాల్లో మొత్తం 94.88 శాతం ఉత్తీర్ణత నమోదైంది. వీరిలో బాలుర ఉత్తీర్ణత శాతం 94.68% ఉండగా.. బాలికల ఉత్తీర్ణత శాతం 95.09గా ఉంది. ఫలితాల్లో తూర్పు గోదావరి జిల్లా 98.19 శాతంతో ప్రథమస్థానంలో నిలవగా.. నెల్లూరు జిల్లా 83.19 శాతంతో చివరి స్థానంలో నిలిచింది.

సోమవారం విడుదలైన తెలంగాణ‌ పదోతరగతి పరీక్ష ఫలితాల్లో మొత్తం 92.43 శాతం ఉత్తీర్ణత నమోదైంది. ఇందులో బాలికలు 93.68 శాతం ఉత్తీర్ణత సాధించగా.. బాలురు 91.18 శాతం ఉత్తీర్ణులయ్యారు. ఈ నేపథ్యంలో సోషల్ మీడియాలో జోకులు మొదలయ్యాయి. అయితే, ఇవి ఫలితాల గురించి కాదు. ఫలితాలకు ముందు, తర్వాత విద్యార్థుల ఫీలింగ్స్‌ ఎలా ఉంటాయో తెలుపుతూ పుట్టుకొచ్చిన మీమ్స్.