కోరిక తీర్చడు, పుస్తకాలు వదలడు.. విడాకుల కోసం కోర్టుకెక్కిన భార్య!

‘‘నా భర్త పుస్తకాలతోనే కాపురం చేస్తున్నాడు. నాతో మాట్లాడడు. కనీసం చిన్న చిన్న కోరికలు కూడా తీర్చడు. అలాంటి భర్త ఉన్నా ఒకటే, లేకపోయినా ఒకటే. నాకు విడాకులు ఇప్పించండి’’ అంటూ ఓ మహిళ కోర్టు మెట్లెక్కింది. మధ్యప్రదేశ్‌లోని భోపాల్‌లో కటరా హిల్స్‌లో నివసిస్తున్న ఓ మహిళ పుస్తకాల పురుగైన తన భర్తతో సంసారం చేయలేక విసిగిపోయింది.

Read also: భర్త తనని అతిగా ప్రేమిస్తున్నాడని కోర్టుకెక్కిన భార్య, విడాకులకు దరఖాస్తు!

జిల్లా లీగల్ సర్వీస్ అథారిటీ కౌన్సెలర్ తెలిపిన వివరాల ప్రకారం.. ‘‘ఆమె భర్త యూపీఎస్‌సీ పరీక్షలకు సిద్ధమవుతున్నాడు. దీంతో ఆమెను పూర్తిగా పట్టించుకోవడం మానేశాడు. సినిమాలు, షాపింగ్‌లకు వెళ్దామన్నా అతడు ఆసక్తి చూపడం లేదు. కనీసం ఆయన బంధువులను కూడా కలవడం లేదు. దీంతో ఆమె విడాకులు కోసం దరఖాస్తు చేసుకుంది’’ అని తెలిపారు.

Read also: నా భార్య లడ్డూలు పెట్టి చంపేస్తోంది.. విడాకులిప్పించండి, భర్త ఆవేదన!

కౌన్సెలింగ్ సెషన్‌కు హాజరైన ఆమె భర్త మాట్లాడుతూ.. భార్యతో తనకు ఎలాంటి సమస్యలు లేవని తెలిపాడు. యూపీఎస్‌సీ పరీక్షల్లో ఉత్తీర్ణత సాధించాలనేది తన చిన్ననాటి కల అని, అందుకే తాను నిర్విరామంగా కష్టపడి చదువుతున్నానని వివరించాడు. తన వైవాహిక జీవితంలో ఎలాంటి సమస్యలు రాకూడదని కోరుకుంటున్నానని తెలిపాడు. ఇరువురి వాదనలు విన్న కౌన్సెలర్.. విడాకులపై మరొకసారి ఆలోచించాలని సూచించారు.

Read also: నా భార్య విమానం పేల్చేస్తుంది, పట్టుకోండి.. పోలీసులకు భర్త ఫోన్!