Big Bazaar: క్యారీ బ్యాగ్‌కు డబ్బులు వసూళ్లు.. ‘బిగ్‌ బజార్‌’కు రూ.11000 ఫైన్!

భారీగా లాభాలు ఆర్జించే పెద్ద పెద్ద షాపింగ్ మాళ్లు.. చిన్న క్యారీ బ్యాగ్‌లకు కోసం కక్కుర్తిపడటం విడ్డూరంగానే ఉంటుంది. వాస్తవానికి ఆ కవర్లను ఆ సంస్థలు ఉచితంగానే అందించాల్సి ఉంటుంది. లేదా ఆ కవర్లపై ఆయా సంస్థల పేర్లు ముద్రించకుండా ఆ కవర్లను విక్రయించాలి. ఒక వేళ ఆ కవర్లపై ఆ సంస్థ పేరుంటే వాటికి మీరు ప్రచారం చేస్తున్నట్లే.

దీన్ని ఆధారంగానే చేసుకొనే కొద్ది నెలల కిందట ఓ కస్టమర్ ‘బాటా’ సంస్థకు షాకిచ్చాడు. వారి బ్రాండ్ పేరున్న కవర్‌కు డబ్బులు వసూళ్లు చేశారని, ఆ బ్రాండ్‌కు తనని ప్రచారకర్తగా వాడుకుంటోందంటూ ‘కంజుమర్ ఫోరం’ను ఆశ్రయించాడు. దీంతో కంజుమర్ ఫోరం కస్టమర్‌కు ఈ మేరకు బాటా ఇండియా లిమిటెడ్‌.. ఫిర్యాదుదారుడికి రూ.3 రిఫండ్‌తోపాటు లిటిగేషన్ ఛార్జీలు రూ.1000, రూ.3000 పరిహారం, స్టేట్ కంజుమర్ డిస్ప్యూట్స్ రెడ్రెసల్ కమిషన్‌కు రూ.5 వేలు చెల్లించాలని ఆదేశించింది.

Read also: క్యారీ‌బ్యాగ్‌కు డబ్బులడిగిన ‘బాటా’పై రూ.9 వేల జరిమానా!

ఇప్పుడు ‘బిగ్‌బజార్’కు కూడా ఇదే తరహాలో జరిమానా పడింది. ఇటీవల హర్యానాకు చెందిన సౌరభ్ కుమార్.. ఫిబ్రవరి నెలలో పంచుకులా ప్రాంతంలోని ‘బిగ్‌బజార్’లో షాపింగ్ చేశాడు. ఆ వస్తువులను పెట్టే కవర్ కోసం రూ.18 చెల్లించాలని బిగ్‌బజార్ సిబ్బంది కోరారు. దీంతో సౌరభ్ కంజుమర్ ఫోరం‌ను ఆశ్రయించాడు. ఈ ఫిర్యాదు పరిశీలించిన ఫోరం.. ఇది ఆ సంస్థ నిర్లక్ష్య దోరణిని, సేవల్లో లోపాన్ని తెలియజేస్తోందని పేర్కొంది.

Read also: వీధి కుక్కను బైకుకు కట్టి ఈడ్చుకెళ్లిన వాచ్‌మ్యాన్

‘‘దేశవ్యాప్తంగా బిగ్‌బజార్‌కు ఎన్నో స్టోర్లు ఉన్నాయి. భారీ సంఖ్యలో కస్టమర్లు ఈ స్టోర్లకు వస్తున్నారు. మంచి లాభాలు ఆర్జిస్తున్న ఈ సంస్థ క్యారీ బ్యా్గ్గుల పేరుతో కస్టమర్ల నుంచి డబ్బులు వసూల్లు చేస్తోంది’’ అని ఫోరం తెలిపింది. క్యారీ బ్యాగ్‌కు డబ్బులు వసూళ్లు చేసినందుకు రూ.500 జరిమానా, బాధితుడికి మరో రూ.500 పరిహారం, లీగల్ ఖర్చులకు రూ.500, కంజుమర్ లీగల్ ఎయిడ్ ఫండ్‌కు రూ.10 వేలు చెల్లించాలని ఆదేశించింది. ఇదివరకు డోమినోస్ ఇండియాకు ఇదే కారణంతో రూ.10,500, లైఫ్‌స్టైల్‌కు రూ.13,000, వెస్ట్‌సైడ్‌కు రూ.13,000 చొప్పున జరిమానాలు విధించింది. చూశారుగా.. ఈ సారి ఏ స్టోరైనా క్యారీ బ్యా్గ్‌లకు డబ్బులు వసూళ్లు చేస్తే మీరూ ఇలాగే పోరాడండి. చిన్న మొత్తమే కదా అని తేలిగ్గా వదిలేయొద్దు.

Read also: షాకింగ్.. విమానంలో ఆక్సిజన్ నిలిపేసి 238 ప్రయాణికుల హత్య?