Video: బంతి వల్ల రోడ్డు ప్రమాదం.. సరిగ్గా ఆ క్షణంలో అలా జరిగింది!

రోడ్డు ప్రమాదం ఎప్పుడు, ఎక్కడ, ఎలా జరుగుతుందో చెప్పలేం. ముందు నుంచే కాదు... పక్కల నుంచి, వెనక నుంచి, పై నుంచి.. ఇలా ఎటు నుంచైనా ప్రమాదం పొంచి ఉంటుంది. ఎంత జాగ్రత్తగా ఉన్నా... ఒక్కోసారి ప్రమాదం నుంచి తప్పించుకోలేం. ఎదురుగా ఏదైనా వాహనం అల్లకల్లోలంగా వస్తూ ఉంటే... అది మనల్ని ఢీకొట్టగలదు అని గ్రహించవచ్చు, తద్వారా జాగ్రత్త పడొచ్చు. అదే... ఏమాత్రం ఊహించడానికి వీల్లేకుండా ప్రమాదం జరిగితే... ఇక ఎస్కేప్ అనే మాటే ఉండదు. ఆ రోడ్డు ప్రమాదం (road accident) అలాగే జరిగింది. ఆ సీసీటీవీ ఫుటేజ్ (cctv footage video) అందర్నీ ఆశ్చర్యపరుస్తోంది.

ఈ వీడియోని చూస్తే... ఇందులో ఓ కుర్రాడు... ఫుట్‌బాల్ సైజు బంతితో ఆడుకుంటూ... రోడ్డు పక్కన వెళ్తున్నాడు. బంతిని కంటిన్యూగా నేలకేసి కొడుతుంటే... అది తిరిగి పైకి లేస్తోంది. అదే సమయంలో... ఇద్దరు వ్యక్తులు ఓ స్కూటీపై అటుగా వస్తున్నారు. ఐతే... ఆ కుర్రాడు ఊహించని విధంగా... ఆ బంతి... నేలపై కాకుండా... పక్కనే ఉన్న ఫుట్‌పాట్‌కి వంకరగా తగిలి... సర్రున రోడ్డువైపు దొర్లింది. సరిగ్గా అది స్కూటీ కిందకు వెళ్లి అడ్డుపడింది. అంత... బ్యాలెన్స్ తేడా వచ్చి... స్కూటీపై వెళ్లేవారు ఎగిరిపడ్డారు. రోడ్డుపై పడి దొర్లారు. స్కూటీ తుక్కుతుక్కైంది (bike accident video). అది చూసి ఆ కుర్రాడు షాక్ అయ్యాడు (Shocking accident video)

ఆ వీడియో (viral video)ని ఇక్కడ చూడండి


అదృష్టవశాత్తూ స్కూటీపై ఉన్న ఇద్దరికీ ఎలాంటి తీవ్రమైన గాయాలూ కాలేదని తెలిసింది. స్కూటీ వారిపై పడి వుంటే... తీవ్ర గాయాలు అయ్యేవే. ఎవరి సాయమూ లేకుండానే వారు పైకి లేచారు. ఆ తర్వాత బంతితో ఆడుకుంటున్న కుర్రాడిపై సీరియస్ అయ్యారు.

videos: వామ్మో.. బైక్ యాక్సిడెంట్లు.. ఆ 3 వీడియోలు చూస్తే షాకే!
ట్విట్టర్‌లో @HldMyBeer అకౌంట్‌లో అక్టోబర్ 16న పోస్ట్ చేసిన ఈ వీడియోని ఇప్పటివరకూ 1.83 లక్షల మంది చూశారు. 4వేలకు పైగా లైక్స్ వచ్చాయి. "చూస్తుంటే ఇదంతా కావాలని చేసినట్లే ఉంది. ఆ కుర్రాడు ఫుట్‌పాత్‌పై వెళ్లకుండా... రోడ్డుపై ఎందుకు వెళ్తున్నాడు" అని ఓ యూజర్ ప్రశ్నించారు. పేవ్‌మెంట్‌పైనే వెళ్లి ఉంటే ఇలా జరిగేది కాదని మరో యూజర్ స్పందించారు. కొంత మంది ఫన్నీ ఇమోజీలు పెడుతుంటే... ఇందులో ఫన్ ఏముంది అని మరికొందరు ప్రశ్నిస్తున్నారు.