ఆడ పిల్లలపై బుడ్డోడు ఆగ్రహం.. చెల్లిని సైతం ఇరికించాడు, పోలీసులు షాక్

పిల్లలను అలా వదిలేస్తే ఎంతసేపైనా ఆడేసుకుంటారు. కానీ, వారి ఆటల్లో ఎప్పుడూ హ్యాపీ ఎండింగ్స్ ఉండవు. ఎవరో ఒకరు కొట్టుకోవడమో.. తిట్టుకోవడమో జరిగుతుంది. చివరికి ఆ కంప్లయింట్ తల్లిదండ్రులు వరకు వెళ్తుంది. ఆ తర్వాత ఏం జరుగుతుందో తెలిసిందే. కానీ, బుడ్డోడు మాత్రం అలా చేయలేదు. తనకు జరిగిన అన్యాయాన్ని నేరుగా పోలీసులకు చెప్పి షాకిచ్చాడు. ఇరుగుపొరుగున ఉన్న అమ్మాయిలపై పిర్యాదు చేశాడు. చివరికి తన చెల్లిని కూడా ఇరికించాడు.

కేరళలో చోటుచేసుకున్న ఈ ఫన్నీ ఘటన పూర్తి వివరాలు ఇలా ఉన్నాయి. లాక్‌డౌన్ వల్ల పిల్లలకు కూడా చాలా బోర్ కొడుతోంది. పెద్దవాళ్లు కూడా ఇళ్లలోనే ఉండటంతో కార్టూన్ చూడటానికి అవకాశం దొరకడం లేదు. కస్బాకు చెందిన ఎనిమిదేళ్ల ఉమర్ నిదార్ అనే బాలుడికి కూడా ఇదే సమస్య వచ్చింది. తనతో ఆడుకోడానికి చుట్టుపక్కల అబ్బాయిలు ఎవరూ లేరు. దీంతో బయట దొంగ-పోలీస్ ఆట ఆడుతున్న చెల్లి, ఆమె నలుగురు స్నేహితుల వద్దకు వెళ్లి తనని కూడా ఆటలో చేర్చుకోవాలని అడిగాడు.

Also Read: పెదాలను చీల్చేసి చంపేస్తున్న ‘అందగత్తె’.. జపాన్‌‌లో ‘మాస్క్’ లేడీ రక్తపాతం!

అయితే, వాళ్లు ‘‘నువ్వ అబ్బాయివి. అమ్మాయిలతో ఆటలేంటి? పక్కకి పో’’ అని అవమానించారు. దీంతో ఉమర్‌కు చిర్రెత్తుకొచ్చింది. తండ్రికి ఈ విషయం చెప్పినా పట్టించుకోలేదు. వెళ్లి పోలీసులకు చెప్పు అని సరదాగా అన్నాడు. తండ్రి మాటలను సీరియస్‌గా తీసుకున్న ఉమర్.. ‘దొంగ-పోలీస్’ ఆటలో నిజమైన పోలీసులను దింపుతానంటూ శపథం చేశాడు. సమీపంలోని కస్బా పోలీస్ స్టేషన్‌కు వెళ్లి చెల్లి, మరో నలుగురు అమ్మాయిలపై ఫిర్యాదు చేశాడు.

Also Read: ఈ పాము పాకడం లేదు.. నడుస్తోంది, ఈ వీడియో చూస్తే మీరూ షాకవుతారు!

ఉమర్ ఫిర్యాదు విని పోలీసులు నవ్వుకున్నారు. ‘‘కేసు వద్దులే. నేనే వాళ్లను భయపెట్టి. నిన్ను కూడా ఆడించుకోవాలని చెబుతా’’ అని అతడికి నచ్చజెప్పారు. చెప్పినట్లే పోలీసులు ఆ ఐదుగురు ఆడపిల్లలను ఒక చోట కుర్చోబెట్టి.. ‘‘మీ ఆటలో అతడిని కూడా చేర్చుకోండి. వివక్ష చూపకండి’’ అని సయోధ్య కుదిర్చారు. పోలీసులు అలా ఇంటికి రావడంతో చుట్టుపక్కల వారు కంగారుపడ్డారు. అసలు విషయం తెలిసి.. కాసేపు నవ్వుకున్నారు. అతడి తల్లిదండ్రులు మాత్రం ఇంకా షాక్‌లోనే ఉన్నారట!

Also Read: చేపల కోసం వల వేస్తే.. నోట్ల కట్టలు బయటపడ్డాయి, కానీ..