Brutal Punishments Against Rape All Over The World
Rape Punishment: ఈ దేశాల్లో రేపిస్టులకు కఠిన శిక్షలు.. తల నరుకుతారు, కాల్చి చంపుతారు!
హైదరాబాద్లో వెటర్నరీ డాక్టర్ హత్య ఘటన దేశవ్యాప్తంగా సంచలనం సృష్టించిన సంగతి తెలిసిందే. బాధితురాలిపై దారుణంగా సామూహిక అత్యాచారానికి పాల్పడటమే కాకుండా, ఆమెను హత్య చేసి పెట్రోల్తో నిప్పులు పెట్టిన వైనం ప్రజలను ఆగ్రహానికి గురిచేస్తోంది. ఈ నేపథ్యంలో ఆ నలుగురు నిందితులకు ఉరి తీయాలని ప్రజలు డిమాండ్ చేస్తున్నారు. నిందితులు ఆమెను ఎంతగా హింసించారో.. వారిని కూడా అదే విధంగా హింసించాలని అంటున్నారు.
Samayam Telugu1 Dec 2019, 12:27 am
హైదరాబాద్లో వెటర్నరీ డాక్టర్ హత్య ఘటన దేశవ్యాప్తంగా సంచలనం సృష్టించిన సంగతి తెలిసిందే. బాధితురాలిపై దారుణంగా సామూహిక అత్యాచారానికి పాల్పడటమే కాకుండా, ఆమెను హత్య చేసి పెట్రోల్తో నిప్పులు పెట్టిన వైనం ప్రజలను ఆగ్రహానికి గురిచేస్తోంది. ఈ నేపథ్యంలో ఆ నలుగురు నిందితులకు ఉరి తీయాలని ప్రజలు డిమాండ్ చేస్తున్నారు. నిందితులు ఆమెను ఎంతగా హింసించారో.. వారిని కూడా అదే విధంగా హింసించాలని అంటున్నారు.
ఏయే దేశాల్లో ఏయే శిక్ష అమలు చేస్తారు?
నిర్భయ ఘటన తర్వాత ఇండియాలో అత్యాచార చట్టాన్ని కఠినతరం చేసిన సంగతి తెలిసిందే. నిర్భయ చట్టం కింద ఏ ఏ వ్యక్తైనా అమ్మాయిలను వెంటాడినా, చూపులతో వేధించినా నేరమే. అయితే, అత్యాచారాలకు పాల్పడుతున్న దోషులకు కఠిన శిక్షలు లేకపోవడం వల్ల నేరాలు పెరుగుతూనే ఉన్నాయి. దేశంలో అత్యాచారాలు చేసిన ప్రతి ఒక్కరికీ ఉరి శిక్ష విధించే అవకాశం లేదు. కేవలం నిర్భయ కేసులో మాత్రమే నిందితులకు ఉరి శిక్ష పడింది. అలాగే, మరికొన్ని అత్యాచార కేసుల్లో నేర తీవ్రతను బట్టి ఉరి శిక్షలు విధిస్తున్నారు. మిగతా అత్యాచార ఘటనల్లో సాధారణ శిక్షలు అనుభవిస్తున్నారు. దీనివల్ల బాధిత కుటుంబాలకు న్యాయం జరగడం లేదనే వాదన ఉంది. ఈ నేపథ్యంలో ప్రపంచంలో ఏయే దేశాల్లో ఏయే శిక్షలు అమలు చేస్తున్నారో ఓసారి చూద్దాం.
చైనా: మరణ దండన లేదా పురుషత్వ నాశనం
ఈ దేశంలో మహిళలను లైంగికంగా వేధించినా, అత్యాచారాలకు పాల్పడినా కఠినంగా శిక్షస్తారు. అత్యాచారాల తీవ్రతను బట్టి ఇక్కడ శిక్షలు అమల్లో ఉన్నాయి. నిందితుడు అత్యాచారానికి పాల్పడినట్లు రుజువైతే వెంటనే అతడి పురుషత్వాన్ని నాశనం చేస్తారు. అంటే, సర్జరీ ద్వారా అతడి కి మగతనం లేకుండా చేస్తారు. హత్యాచారం లేదా, అత్యంత దారుణంగా రేప్ చేస్తే మరణ దండన విధిస్తారు.
అఫ్గనిస్థాన్: 4 రోజుల్లోనే చంపేస్తారు
మహిళలను అత్యాచారం చేయాలనే ఆలోచన రావాలంటేనే భయం గొలిపేలా ఇక్కడ శిక్షలు అమలు చేస్తున్నారు. అత్యాచార నిందితుడిని ఇక్కడ పశువు కంటే హీనంగా చూస్తారు. రోడ్డుపై ఈడ్చుకెళ్లి ఉరి వేసి చంపేస్తారు. లేదా తలకు తుపాకీ గురి పెట్టి కాల్చి చంపుతారు. అత్యాచారం చేసిన 4వ రోజే నేరగాడిని చంపేస్తారు.
ఫ్రాన్స్: 15 నుంచి 30 ఏళ్లు జైలు శిక్ష
ఈ దేశంలో అత్యాచారా నేరగాళ్లకు 15 నుంచి 30 ఏళ్లు జైలు శిక్ష విధిస్తారు. అత్యాచారం తీవ్రం, బాధితురాలు ఎదుర్కొంటున్న సమస్య ఆధారంగా ఇక్కడ శిక్షలు నిర్ణయిస్తారు. కొన్ని సందర్భాల్లో జీవిత ఖైదు కూడా విధిస్తారు.
ఉత్తర కొరియా: తుపాకీతో కాల్చి చంపుతారు
ఈ దేశంలో రేపిస్టులకు నరకం చూపిస్తారు. అత్యాచారం చేసినట్లు నేరం రుజువైతే తలపై తుపాకీ పెట్టి కాల్చుతారు. లేదా ఒళ్లంతా బుల్లెట్లు నింపి దారుణంగా చంపుతారు.
అమెరికా: రెండు రకాల కఠిన చట్టాలు
ఈ దేశంలో ఫెడరల్ లా, స్టేట్ అనే రెండు రకాల చట్టాలు అమల్లో ఉన్నాయి. ఇవి రెండు కూడా అత్యాచారాలను తీవ్రంగానే పరిగణిస్తాయి. ఈ చట్టాల ప్రకారం.. అత్యాచారానికి పాల్పడే నేరగాడికి 30 ఏళ్ల వరకు జైలు శిక్ష విధిస్తారు. నేరం తీవ్రమైనదైతే చనిపోయేంత వరకు (జీవిత ఖైదు) శిక్ష విధిస్తారు.
ఇరాన్: ఉరి లేదా కాల్చి చంపడం
అత్యాచార నేరగాళ్లను ఇరాన్ కఠినంగా శిక్షిస్తోంది. నేరం రుజువైతే వెంటనే అతడికి ఉరి శిక్ష విధిస్తుంది. లేదా తుపాకులతో బహిరంగంగా కాల్చి చంపుతుంది.
రష్యా: ఇక్కడ సాధారణ శిక్షలు
ప్రపంచంలో అత్యంత సాధారణ శిక్షలను రష్యాలో అమలు చేస్తున్నారు. అత్యాచార నేరగాళ్లకు కేవలం 3 ఏళ్ల నుంచి 6 ఏళ్లు మాత్రమే జైలు శిక్ష విధిస్తున్నారు. అది మరీ తీవ్రమైన అత్యాచారమైతే 10 ఏళ్ల నుంచి 20 ఏళ్లు శిక్ష విధిస్తారు.
సౌదీ అరేబియా: తల నరకుతారు
ఈ దేశంలో అత్యాచార నేరాలకు దారుణమైన శిక్ష అమల్లో ఉంది. నిందితుడు రేప్ చేసినట్లు రుజువైతే.. అతడిని బహిరంగంగా బాధితుల ముందే తల నరికి శిక్ష అమలు చేస్తారు. కొన్ని సందర్భాల్లో బహిరంగంగా ఉరి వేస్తారు. డ్రగ్స్ నేరానికి కూడా ఇక్కడ అవే శిక్షలు అమల్లో ఉన్నాయి. విదేశీయులను సైతం వీరు క్షమించకుండా శిక్ష అమలు చేస్తారు.
భారత్: 14 ఏళ్లు లేదా మరణ శిక్ష
ఇండియాలో నిర్భయ ఘటన తర్వాత చట్టంలో మార్పులు తీసుకొచ్చారు. మహిళలకు రక్షణ కల్పించే ఉద్దేశంతో లైంగిక దాడులను తీవ్రంగా పరిగణిస్తున్నారు. ప్రస్తుతం అత్యాచార నేరగాళ్లకు 14 ఏళ్ల వరకు శిక్ష విధిస్తున్నారు. నేర తీవ్రత ఎక్కువగా ఉంటే మరణ దండన తప్పదు. ఈ నేపథ్యంలో వెటర్నరీ డాక్టర్పై అత్యాచారానికి పాల్పడిన నేరగాళ్లకు మరణ దండన విధించాలనే డిమాండు వినిపిస్తోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.