ఈ ఘటన పూర్తిగా చదివిన తర్వాత ఈ దొంగ మంచోడా? చెడ్డవాడా అనే సందేహం కలగక మానదు. అమెరికా పోలీసులు ఓ నీతివంతుడైన దొంగ కోసం వెతుకుతున్నారు. ఎందుకంటే.. అతడు ఓ మహిళ కారును ఎత్తుకెళ్లడమే కాకుండా.. ఆమె చేసిన ఓ తప్పును ఎత్తిచూపుతూ నీతులు చెప్పాడు. పోలీసులకు ఫిర్యాదు చేస్తానని ఆమెను బెదిరించాడు.
ఏం జరిగిందంటే..: బీవెర్టన్ పోలీస్ అధికార ప్రతినిధి మ్యాట్ హెండెర్సన్ తెలిపిన వివరాల ప్రకారం.. ఓ మహిళ తన నాలుగేళ్ల కొడుకుతో బీవర్టన్లోని పోర్ట్ల్యాండ్ సబర్బ్లోని ఓ నిత్యవసర వస్తువుల దుకాణానికి కారులో బయల్దేరింది. కారును రన్నింగ్లో ఉంచి పాలు, మంసాన్ని కొనుగోలు చేసేందుకు షాపులోకి వెళ్లింది. ఇది అదనుగా ఓ దొంగ కారులోకి చొరబడి ఎత్తుకెళ్లిపోయాడు. అయితే, దారి మధ్యలో వెనుక సీటులో ఉన్న నాలుగేళ్ల బాలుడిని చూసి షాకయ్యాడు.
దీంతో ఆ దొంగ మళ్లీ కారును షాపు వద్దకు తీసుకెళ్లాడు. అక్కడ బిడ్డ కోసం కంగారు పడుతున్న తల్లిని చూసి క్లాస్ పీకాడు. ‘‘పిల్లాడిని అలా కారులో వదిలి షాపులోకి వెళ్తావా? అలా పిల్లలను కారులో ఉంచడం ప్రమాదకరమనే సంగతి నీకు తెలీదా? నువ్వు చేసిన తప్పును పోలీసులకు చెబుతా’’ అని వార్నింగ్ ఇచ్చి.. మళ్లీ కారుతో ఉడాయించాడు.
అయితే, అతడు పసివాడిని తిరిగి తల్లికి అప్పగించి మంచి పని చేశాడని, ఆ దొంగ నీతి కలవాడేనని పోలీసులే స్వయంగా వెల్లడించడం గమనార్హం. అయితే, ఈ దొంగతనం జరిగిన కొన్ని గంటల్లోనే పోలీసులు కారును కనుగొన్నారు. అయితే, దొంగ ఆచూకీ ఇంకా తెలియాల్సి ఉంది.
ఏం జరిగిందంటే..: బీవెర్టన్ పోలీస్ అధికార ప్రతినిధి మ్యాట్ హెండెర్సన్ తెలిపిన వివరాల ప్రకారం.. ఓ మహిళ తన నాలుగేళ్ల కొడుకుతో బీవర్టన్లోని పోర్ట్ల్యాండ్ సబర్బ్లోని ఓ నిత్యవసర వస్తువుల దుకాణానికి కారులో బయల్దేరింది. కారును రన్నింగ్లో ఉంచి పాలు, మంసాన్ని కొనుగోలు చేసేందుకు షాపులోకి వెళ్లింది. ఇది అదనుగా ఓ దొంగ కారులోకి చొరబడి ఎత్తుకెళ్లిపోయాడు. అయితే, దారి మధ్యలో వెనుక సీటులో ఉన్న నాలుగేళ్ల బాలుడిని చూసి షాకయ్యాడు.
దీంతో ఆ దొంగ మళ్లీ కారును షాపు వద్దకు తీసుకెళ్లాడు. అక్కడ బిడ్డ కోసం కంగారు పడుతున్న తల్లిని చూసి క్లాస్ పీకాడు. ‘‘పిల్లాడిని అలా కారులో వదిలి షాపులోకి వెళ్తావా? అలా పిల్లలను కారులో ఉంచడం ప్రమాదకరమనే సంగతి నీకు తెలీదా? నువ్వు చేసిన తప్పును పోలీసులకు చెబుతా’’ అని వార్నింగ్ ఇచ్చి.. మళ్లీ కారుతో ఉడాయించాడు.
అయితే, అతడు పసివాడిని తిరిగి తల్లికి అప్పగించి మంచి పని చేశాడని, ఆ దొంగ నీతి కలవాడేనని పోలీసులే స్వయంగా వెల్లడించడం గమనార్హం. అయితే, ఈ దొంగతనం జరిగిన కొన్ని గంటల్లోనే పోలీసులు కారును కనుగొన్నారు. అయితే, దొంగ ఆచూకీ ఇంకా తెలియాల్సి ఉంది.