కరోనా కాఠిన్యం.. ఆ బంధం మధ్య గాజు తెర, గుండె బరువెక్కిస్తున్న వృద్ధ జంట చిత్రం

కరోనా వైరస్.. బంధాలను చిధ్రం చేస్తూ మనుషులను బంధీలను చేస్తోంది. ఇటీవల ఓ నర్సు తన కుమార్తెను కలవలేక గాల్లోనే కౌగిలించుకున్న వీడియో ఒకటి ప్రతి ఒక్కరినీ కంటతడి పెట్టించింది. అదే కాదు.. ఇంకా ఎన్నో హృదయవిదారక ఘటనలు ప్రపంచమంతటా చోటుచేసుకుంటున్నాయి. వాటిలో ఒకటి ఈ వృద్ధ జంట చిత్రం. గాజు తెరకు అవతల ఉన్న భర్తను కళ్లతోనే పలకరిస్తున్న ఆ భార్య ప్రేమను చూస్తే.. ఎంతటివారికైనా గుండె బరువెక్కక తప్పదు.

కరోనా వైరస్ భయంతో ఆమె తన భర్తను కలవలేని పరిస్థితి నెలకొంది. కంటతడి పెట్టించే ఈ ఘటన వాషింగ్టన్‌లోని కిర్క్ ల్యాండ్ లైఫ్ కేర్ సెంటర్ హాస్పిటల్‌లో చోటుచేసుకుంది. హాస్పిటల్‌లో చికిత్స పొందుతున్న తన 89 ఏళ్ల జీన్ కాంప్‌బెల్‌ను నేరుగా కలవడానికి వీల్లేదని వైద్య సిబ్బంది 88 ఏళ్ల డోరతికి చెప్పారు. దీంతో ఆమె బాధతో కుంగిపోయింది. ఆమె బాధను అర్థం చేసుకున్న సిబ్బంది ఇలా గాజు గోడ మధ్య నుంచి మాట్లాడుకొనే అవకాశం కల్పించారు.

Watch: బండితో నేరుగా శివాలయం లోపలికి.. నందీశ్వరుడి కాళ్లపై పడ్డ యువతి, వీడియో వైరల్!

గాజు శబ్ద నిరోదకం కావడం వల్ల మాటలతో కాకుండా కళ్లతోనే ఒకరినొకరు పలకరించుకున్నారు. ఆ భర్త తాను క్షేమంగానే ఉన్నా అని చెప్పేందుకు ప్రయత్నించడాన్ని ఈ చిత్రంలో గమనించవచ్చు. ఈ చిత్రం ఇప్పుడు సోషల్ మీడియాలో వైరల్‌గా మారింది. ఆ తాతగారు పూర్తి ఆరోగ్యంగా ఇంటికి తిరిగి వెళ్లాలని కోరుకుందాం. అయితే, ఈ భార్య భర్తల బంధం ఇంత మధురంగా ఉంటే.. ఓ భర్త ‘కరోనా వైరస్’ భయంతో ఏం చేశాడో తెలిస్తే తప్పకుండా షాకవుతారు. అతడు ఏం చేశాడో తెలుసుకొనేందుకు ఈ కథనం చదవండి: కరోనా భయం.. భార్యను బాత్రూమ్‌లో బంధించిన భర్త.. చివరికి ఏమైందంటే..