చైనాలో డ్యాన్సులు చేస్తున్న కరోనా వైరస్ రోగులు.. కారణం ఇదేనట!

కరోనా వైరస్ చైనాతో చెలగాటం ఆడుతున్న సంగతి తెలిసిందే. ఈ వ్యాధి కేవలం ఆ దేశానికే పరిమితం కాకుండా ప్రపంచమంతా పాకింది. దీంతో ప్రజలు భయాందోళనలతో బిక్కుబిక్కుమంటూ గడుపుతున్నారు. అయితే, ఈ వ్యాధి పుట్టిన ఉహాన్‌లో ఇప్పుడు పరిస్థితి భిన్నంగా ఉంది. ప్రస్తుతం ఆ నగరంలో జనజీవనం పూర్తిగా స్తంభించింది. జనాలంతా ఇళ్లకే పరిమితం అవుతున్నారు. ఎవరైనా దగ్గినా, తుమ్మినా.. అధికారులు వాళ్లను బంధించి మరీ హాస్పిటళ్లకు తీసుకెళ్లి పరీక్షలు నిర్వహిస్తున్నారు. దీంతో.. ఉహాన్ హాస్పిటళ్లు వేలాది మంది రోగులు, అనుమానితులతో కిటకిటలాడుతోంది.

ఇటీవల యూట్యూబ్‌లో పోస్ట్ చేసిన ఓ వీడియోలో కరోనా వైరస్ సోకిన రోగులు డ్యాన్సులు చేస్తూ కనిపించారు. ఉహాన్‌లో చికిత్స పొందుతున్న రోగులందరినీ ఒక చోటుకు చేర్చి వారిలో ధైర్యాన్ని నింపే ప్రయత్నం చేస్తున్నట్లు ఆ వీడియోలో పేర్కొన్నారు. కరోన రోగుల్లో మానసిక ఆందోళన బాగా పెరిగిందని, తీవ్రంగా కుంగిపోతున్నారని వైద్యులు తెలుపుతున్నారు. వారిలో ఆ ఆలోచన దూరం చేసి, ధైర్యాన్ని నింపేందుకు వైద్యులు మంచి సంగీతానికి డ్యాన్స్ చేయించడం ఒక్కటే మార్గమని భావించారు. ఒత్తిడి దూరమైతే రోగి కోలుకోవడం సులభం అవుతుందని అంటున్నారు.

Also Read: కరోనా వైరస్.. ఈ వస్తువులపై 9 రోజులు తిష్ట, ‘ఆల్కహాల్’తో 30 సెకన్లలో అంతం.. పరిశోధనల్లో వెల్లడి

ఈ సందర్భంగా ఓ వైద్యుడు మాట్లాడుతూ.. ‘‘రోగులు తమ కుటుంబికులకు దూరంగా ఒంటరిగా హాస్పిటళ్లలో గడుపుతున్నారు. ఏ క్షణంలో చనిపోతామో అని భయపడుతున్నారు. రోజంతా బెడ్‌ మీదే గడపడం వల్ల ఇబ్బందికరంగా ఫీలవుతున్నారు. అందుకే, వారితో ఇలా డ్యాన్స్ చేయించడం ద్వారా ఒత్తిడిని దూరం చేసే ప్రయత్నం చేస్తున్నాం’’ అని తెలిపారు. ప్రస్తుతం చైనాలో కరోనా వ్యాధితో 1,100 మంది చనిపోయారు. సుమారు 44,000 మంది ఈ వ్యాధితో బాధపడుతున్నారు.

వీడియో:
Also Read: కరోనా వైరస్‌: సింగపూర్‌లో కండోమ్‌లకు కొరత, ఎందుకో తెలిస్తే.. ‘అయ్యో పాపం’ అంటారు!