లాక్‌డౌన్‌లో పెళ్లి.. వధువరులను అరెస్టు చేసిన పోలీసులు, వీడియో వైరల్

‘‘ప్రపంచమంతా కరోనా వైరస్‌తో పోరాడుతూ.. లాక్‌డౌన్‌తో ఇళ్లకే పరిమితమైతే మీకు పెళ్లి కావల్సి వచ్చిందా?’’ అంటూ పోలీసులు ఏకంగా వధువరులనే అరెస్టు చేశారు. లాక్‌డౌన్ వల్ల ప్రపంచంలో చాలామంది పెళ్లిళ్లు, ముఖ్యమైన వేడుకలను వాయిదా వేసుకుంటున్న సంగతి తెలిసిందే. కొంతమంది వీడియో కాల్స్ ద్వారా పెళ్లి చేసుకుంటుంటే.. అతిథులు, బంధువులను ఆహ్వానించకుండా నిరాడంబరంగా పెళ్లి తంతు ముగిస్తున్నారు. అయితే, దక్షిణాఫ్రికాలోని క్వాజులు-నటాల్‌‌కు చెందిన వధువరులు లాక్‌డౌన్‌ను పట్టించుకోకుండా పెళ్లి వేడుకను ఘనంగా జరిపేందుకు సిద్ధమయ్యారు. బంధుమిత్రులను ఆహ్వానించి మరీ పెళ్లిని గ్రాండ్‌గా చేయాలనుకున్నారు. కొద్ది సేపటిలో పెళ్లి పూర్తవుతుందనగా.. సినిమాల్లో చూపించినట్లుగా పోలీసులు ‘ఈ పెళ్లి ఆపండి’ అని గట్టిగా అరిచారు.