పచ్చని పొలాల మధ్య బురదలో దొర్లుతూ.. పెళ్లి ఫొటోలకు పోజులు!

కాపురం పచ్చగా ఉండాలనే ఆశీర్వాదాన్ని వీళ్లు చాలా సీరియస్‌గా తీసుకున్నారు. పెళ్లికి ముందే ‘పచ్చని కాపురం’ కోసం.. వ్యవసాయం మొదలుపెట్టారు. పొలాల్లోకి దిగి బురదలో దొర్లుతూ మరీ భవిష్యత్తు కోసం నాట్లు నాటారు. మరి వీరి పొలంలో మొలకలు వచ్చాయో లేదో తెలీదు గానీ.. ఫొటోలకు మాత్రం బోలెడన్నీ లైకులు, షేర్లు వచ్చాయి.

Also Read: పెళ్లి ‘సిత్రాలు’.. ఈ పొరపాట్లు కూడా నవ్విస్తాయ్!!

పెళ్లికి ముందు ‘ప్రీ-వెడ్డింగ్’ ఫొటోలు ఈ రోజుల్లో సాధారణమైపోయాయి. ఈ నేపథ్యంలో ఫొటోగ్రాఫర్లు సరికొత్తగా క్రియేటీవ్ ఆలోచనలతో ఫొటోలు తీస్తూ తమ కస్టమర్లను మెప్పిస్తున్నారు. ఇందులో భాగంగానే కేరళకు చెందిన ‘బిను సీన్స్ ఫొటోగ్రఫీ’కి చెందిన ఫొటోగ్రాఫర్లు జోస్, అనీషా అనే కొత్త జంటతో ‘బురద’ ప్రయోగం చేశారు. పెళ్లి తర్వాత పొలాల్లోకి తీసుకెళ్లి ‘పోస్ట్ వెడ్డింగ్’ ఫొటోషూట్ చేశారు.

Also Read: లిఫ్టులో దెయ్యం? నిఘా కెమేరాలో యువతి ఆఖరి క్షణాలు, మరణానికి ముందు వింత చేష్టలు

వ్యవసాయ క్షేత్రంలోకి వెళ్లిన ఆ జంట పొలాల్లోకి దిగారు. బురదలో దొర్లుతూ ఫొటోలకు పోజులిచ్చారు. ఈ ఫొటోలను ఫేస్‌బుక్‌లో పోస్టు చేయడంతో క్షణాల్లో వైరల్ అయ్యారు. దీంతో నెటిజనులు.. ‘‘పెళ్లంటనే బురద.. మళ్లీ బురదలో దొర్లడం ఎందుకో’’ అని కామెంట్లు చేస్తున్నారు. మరికొందరు.. ‘‘పెళ్లంటే బురదలో పడటం అని సింబాలిక్‌గా చెప్పేందుకే ఈ ఫొటోషూట్ ఏమో’’ అని అంటున్నారు. ఆ చిత్రాలపై మీరూ ఓ లుక్కేయండి మరి.