జంబలకడి పంబ .. పెళ్లి కూతురు దుస్తుల్లో వరుడు, షాకైన అతిథులు

పెళ్లి వేడుకలను జీవితాంతం గుర్తుండిపోయేలా చేసుకోవాలని చాలామంది కలలు కంటారు. ఖర్చులకు కూడా వెనకాడకుండా పెళ్లి ఏర్పాట్లు చేస్తారు. యూకేలోని స్వాన్సీ పట్టణానికి చెందిన సియారా ఓ డోనెల్ అనే యువతికి ఎప్పటి నుంచో ఓ కల ఉండేది. తన పెళ్లికి వరుడు తరహాలో సూట్ వేసుకుని నడవాలనేది ఆమె కోరిక.

Also Read: నదిలో పడిన కారు, పసివాడిని వంతెనపైకి విసిరి... వీడియో వైరల్

పెళ్లి రోజున వధువు వేసుకునే వెడ్డింగ్ గౌనును ఆమె ధరించనని మొండి పట్టు పట్టింది. తాను సూట్ వేసుకుంటానని చెప్పేసింది. దీంతో వరుడు బాబీ కుక్.. వధువు గౌను తాను వేసుకుంటానని చెప్పి ఆశ్చర్యపరిచాడు. దీంతో సియారా ఆనందానికి అవధుల్లేవు. కేవలం అతడు మాత్రమే కాదు.. అతడి వెనకాల నడిచే వరుడు సహాయకులు (గ్రూమ్‌మెన్) కూడా గౌనులు వేసుకోవడం గమనార్హం. అలాగే, వధువు వెనకాల నడిచే సహాయకురాల్లు (బ్రైడ్‌మెయిడ్స్) కూడా వరుడు తరహాలో సూట్లు వేసుకున్నారు. వీరంతా అలా ‘జంబలకడి పంబ’ తరహాలో వేదిక మీదకు రాగానే అతిథులు ఆశ్చర్యపోయారు. ఇదేంటీ పెళ్లి కొడుకు వేసుకోవల్సిన దుస్తులు వధువు వేసుకుందని షాకయ్యారు. పెళ్లి కొడుకు బాబీ అవతారం చూసి పగలబడి నవ్వారు. తమ జీవితంలో ఎప్పుడూ ఇలాంటి పెళ్లి చూడలేదంటూ తెగ సంబరపడిపోయారు. వీరి పెళ్లి ఫొటోలు ఇప్పుడు సోషల్ మీడియాలో వైరల్‌గా చక్కర్లు కొడుతున్నాయి.

Also Read: ట్యాక్సీ డ్రైవర్‌తో గొడవ.. నడి రోడ్డుపై దుస్తులు విప్పేసి మహిళ హంగామా