అలా పన్ను పీకాడని.. డెంటిస్ట్‌కు 12 ఏళ్ల జైలు శిక్ష

రోగి వైద్యం అందిస్తున్నప్పుడు వైద్యులు ఎంతో అప్రమత్తంగా ఉండాలి. ముఖ్యంగా వృత్తిపట్ల నిబద్ధత.. క్రమశిక్షణ కలిగి ఉండాలి. లేకపోతే.. రోగికి ప్రమాదమే.. ఆ డాక్టర్ ప్రాక్టీస్‌కు నష్టమే. తాజాగా ఓ డెంటిస్ట్ ఇలాగే చిక్కుల్లో పడ్డాడు. రోగికి హానికలిగేలా ప్రవర్తించి జైలు పాలయ్యాడు. కోర్టు అతనికి ఏకంగా 12 ఏళ్ల జైలు శిక్ష విధించింది.

నోటిలో దంతాలను పీకడం లేదా ఇతరాత్ర చికిత్సలు చేసేప్పుడు డెంటిస్టులు ఎంతో జాగ్రత్తగా వ్యవహరించాలి. అయితే.. అలస్కాలోని ఎంకరేజ్‌కు చెందిన డెంటిస్ట్ సేథ్ లోక్‌హార్ట్.. హోవర్‌బోర్డ్‌ మీద నిలుచుని రోగికి చికిత్స అందించాడు. హోవర్డ్‌బోర్డు మీద నిలబడమంటే సర్కస్ ఫీట్లు చేసినట్లే.. బ్యాటరీతో పనిచేసే చక్రాల యంత్రం మీద నిలుచుని బ్యాలెన్స్ చేస్తే వెనక్కి ముందుకు కదలొచ్చు. పొరపాటున బ్యాలెన్స్ తప్పితే కిందపడే ప్రమాదం ఉంది.

Read Also: శవంతో యువతికి పెళ్లి.. శోభనం ఎవరితోనో తెలిస్తే షాకవుతారు!

అలాంటి హోవర్‌బోర్డ్ మీద నిలబడి.. రోగికి చికిత్స అందించడం ఎంత ప్రమాదకరమో మీరే అర్థం చేసుకోవచ్చు. సేథ్ లోక్‌హార్ట్.. హోవర్డ్‌బోర్డ్ మీద నిలబడి చికిత్స అందించడమే కాకుండా.. ఘనకార్యం చేసినట్లుగా వీడియో తీసుకున్నాడు. అది కాస్త వైరల్ కావడంతో.. కొందరు అతడిపై కేసు పెట్టారు. ఇదేనా వైద్యుడికి ఉండాల్సిన చిత్తశుద్ధి అని ప్రశ్నించారు.

Read Also: పదేళ్లు వీర్యం తాగితేనే పెళ్లి.. పిల్లలతో పాడు పనులు, ఆ దేశంలో ఇదే ఆచారం!

ఈ విషయాన్ని కోర్టు కూడా సీరియస్‌గానే తీసుకుంది. అంతేగాక.. రోగి అనుమతి లేకుండా మత్తు ఇవ్వడం, ప్రమాదకర స్టంట్లతో వైద్యం చేయండి వంటి కేసులు కూడా అతడి మీద నమోదయ్యాయి. అలాగే వైద్యం చేయకుండానే చేసినట్లు రోగుల నుంచి బిల్లులు వసూళ్లు చేస్తున్నట్లు 46 కేసులు నమోదయ్యాయి. దీంతో కోర్టు అతడికి 12 ఏళ్ల జైలు శిక్ష విధించింది.