ఆ వృద్ధుడికి అదే ‘ఆఖరి’ సర్ఫింగ్.. వైరలవుతోన్న వీడియో!

తాను ఎన్నో రోజులు జీవించననే విషయం అతనికి తెలుసు. కానీ, ప్రాణం ఉన్నప్పుడే తన జీవితంలో నెరవేరని ఒక కోరికైనా తీర్చుకోవాలని భావించాడు. ఆ విషయాన్ని భార్యకు చెప్పాడు. అతడి కోరిక విని భార్య తొలుత ఆశ్చర్యపోయింది. చివరికి అది నెరవేర్చి అతడి కళ్లల్లో ఆనందాన్ని చూసింది.

ఉత్తర కరోలినాకు చెందిన ఓ వృద్ధుడు డిమెన్షియా (చిత్తవైకల్యం)తో బాధపడుతున్నారు. అతను ఏడాదికి మించి బతకడం కష్టమని వైద్యులు తేల్చేశారు. దీంతో అతని భార్య.. భర్త కోరిక నెరవేర్చేందుకు సిద్ధమైంది. సముద్రంలో సర్ఫింగ్ చేస్తూ ఆనందగా గడపాలనే అతది కలను నిజం చేసేందుకు డక్ బీచ్ సముద్ర తీరానికి తీసుకెళ్ళింది. అక్కడే ఉన్న కొంతమంది యువకులకు భర్త సమస్య గురించి చెప్పింది. దీంతో ఆ యువకులు అతన్ని సముద్రంలోకి తీసుకెళ్లి సర్ఫింగ్ చేయించారు. దీంతో ఆ వృద్ధుడు ఎంతో ఆనందించాడు. ఈ వీడియోను రయన్ గియాన్‌కోలా అనే యువకుడు ట్విట్టర్‌లో పోస్టు చేశాడు. వీడియో క్షణాల్లో వైరల్‌గా మారింది. ఇప్పటివరకు 60 లక్షల మందికి పైగా వీక్షించారు.