కన్నీటి విషాదం.. కుటుంబాన్ని కాపాడుకొనే ప్రయత్నంలో 6 ఏనుగులు దుర్మరణం

ఏనుగులు తమ కుటుంబాన్ని ఎంతో ప్రేమగా చూసుకుంటాయి. అవి తమ కుటుంబానికి ఇచ్చే భద్రత.. బహుశా, మనుషులు కూడా ఇవ్వలేరేమో. అంతేకాదు, అవి తమ కుటుంబాన్ని కాపాడుకొనేందుకు ప్రాణాలను సైతం ఫణంగా పెడతాయి. ఇందుకు థాయ్‌లాండ్‌లో చోటుచేసుకున్న ఖావో యాయ్ నేషనల్ పార్క్‌లో చోటుచేసుకున్న ఈ విషాద ఘటనే నిదర్శనం.

Read also: కేరళాలో రక్తపు వర్షం.. ఎర్రని చినుకులతో అద్భుతం!

భారీ వర్షాల నేపథ్యంలో ఓ గున్న ఏనుగు నదీ ప్రవాహంలో చిక్కుకుంది. దాన్ని కాపాడేందుకు ఆరు ఏనుగులు ప్రయత్నించాయి. ఒకదాన్ని ఒకటి కాపాడుకొనేందుకు ప్రయత్నించాయి. అయితే, ప్రవాహం ముందు వాటి బలం నిలవలేదు. ఒకదాన్ని తర్వాత ఒకటి నదీ ప్రవాహంలో కొట్టుకుపోయి ఎత్తైన జలపాతం నుంచి లోయలోకి పడిపోయాయి చనిపోయాయి.

Read also: డేంజర్ స్నేక్.. ఈ పాము కరిస్తే చర్మం కొవ్వొత్తులా కరిగిపోతుంది!

ఈ జలపాతాన్ని హ్యూ నరోక్ (హెల్స్ ఫాల్) అని అంటారు. ఇక్కడ ఇలాంటి విషాదం చోటుచేసుకోవడం ఇదే తొలిసారని నేషనల్ పార్క్ అధికారులు తెలిపారు. ఈ ఘటనలో మొత్తం ఎనిమిది ఏనుగుల పడిపోయాయని, వీటిలో రెండు మాత్రమే బతికాయన్నారు. అయితే, ఇవి కూడా ఎన్నాళ్లో జీవించలేవని వైల్డ్‌లైఫ్ ఫ్రెండ్స్ ఫౌండేషన్ వ్యవస్థాపకుడు ఎడ్విన్ విక్ అన్నారు. ఇవి ఇకపై ఆహారాన్ని సంపాదించుకోలేవని, తమని తాము కాపాడుకోలేవని తెలిపారు. వాటికి కుటుంబంతో ఉండే బంధం వల్ల అవి ఇకపై ఉత్సాహంగా జీవించలేవన్నారు.