viral video: సెకండ్ హ్యాండ్ సైకిల్ కొన్న తండ్రి.. పిల్లాడి ఆనందం చూడండి

మనిషిని బట్టీ మనీకి విలువ మారుతుందని మీకు తెలుసా?... సపోజ్... ఓ కోటీశ్వరుడికి రూ.100 పెద్ద మ్యాటర్ కాదు. కటిక పేదవాడికి అదే రూ.100 అత్యంత అవసరం. ఇక్కడ మనీ ఒకటే... దాని విలువ మనిషిని బట్టీ మారుతోంది. ఇప్పుడు మనం చూడబోయే వీడియో ఇదే ఫార్ములాపై ఆధారపడి ఉంది. మన చిన్నప్పుడు.. చేతిలో రూ.2 ఉంటే చాలు... అద్దెకు సైకిల్ తీసుకొని గంటపాటూ దాన్ని తొక్కడం అనేది మనకు ఎంతో ఇష్టమైన అంశం. అప్పట్లో సొంత సైకిల్ ఉంటే ఎంతో గొప్ప... ఇప్పుడు రోజులు చాలా మారాయి... ఈ రోజుల్లో సైకిల్ అనేది చాలా మందికి ఎక్సర్ సైజ్ కోసమే అన్నట్లు అయిపోయింది. సిటీల్లో చాలా మంది బరువు తగ్గడానికి సైకిల్ తొక్కుతారు. కానీ పల్లెల్లో ఇప్పటికీ చాలా మందికి సైకిల్ జీవనాధారం. ఆ తండ్రికీ అంతే. (Father bought second hand bicycle)

IAS ఆఫీసర్ అవనీష్ శరణ్ తన ట్విట్టర్ అకౌంట్ @AwanishSharanలో మే 21, 2022న ఓ వీడియోని పోస్ట్ చేశారు. అందులో ఓ తండ్రి సెకండ్ హ్యాండ్ సైకిల్ కొన్నాడు. దానికి పూజలు చేస్తున్నాడు. అతని కొడుకు తండ్రి పక్కనే ఉండి... సైకిల్‌ని చూస్తూ కేరింతలు కొట్టాడు. ఆ తర్వాత ఇద్దరూ దానికి దండం పెట్టుకొని.. దానిపై ఉన్న తమ ఇష్టాన్ని చాటుకున్నారు. "అది కేవలం సెకండ్ హ్యాండ్ సైకిల్. కానీ వారి ముఖాల్లో ఆనందం చూడండి... కొత్త మెర్సీడెజ్ బెంజ్ కారు కొన్నంత ఆనందపడుతున్నారు" అని వీడియోకి క్యాప్షన్ పెట్టారు అవనీష్ శరణ్. పైన మనం చెప్పుకున్నట్లు నిజంగానే ఆ సైకిల్ వారికి బెంజ్ కారుతో సమానమే అనుకోవచ్చు. (old days sweet memories)

ఆ వీడియోని ఇక్కడ చూడండి (viral video)

ఈ వీడియోని ఇప్పటివరకూ 8.69 లక్షల మందికి పైగా చూడగా... 77 వేల మందికి పైగా లైక్ చేశారు. ఈ వీడియో చూసి చాలా మంది తమ గతంలోకి వెళ్తున్నారు (nostalgia). చిన్నప్పుడు సైకిల్ తొక్కుతూ... కాలేజీలకు వెళ్లిన రోజుల్ని గుర్తుచేసుకుంటున్నారు.
viral video: యువకుణ్ని అరెస్టు చేసిన పోలీసులు.. కారణం స్టంట్స్...
"ఇది నా చిన్నప్పటి రోజుల్ని గుర్తు చేసింది. చనిపోయిన నా తండ్రి... బ్యాంకులో క్యాషియర్‌గా పనిచేస్తూ... నా కోసం కొత్త సైకిల్ కొన్నారు. ఆ సందర్భంగా వీధిలో అందరికీ స్వీట్లు పంచారు. ఆ రోజు మా కుటుంబమంతా పండుగ చేసుకున్నాం. అంతలా నేను ఈ రోజుల్లో ఎటియోస్ కారు (Etios car) కొన్నప్పుడు కూడా సెలబ్రేట్ చేసుకోలేదు" అని ఓ యూజర్ తన పాత రోజుల్ని గుర్తుచేసుకున్నారు.
viral video: సింహం బోనులో చెయ్యి పెట్టాడు.. ఏం చేసిందో తెలుసా?
"నిజం సార్... మనం ఈ రోజుల్లో చాలా ఆనందాల్ని మిస్ అవుతున్నాం. 1988లో మా ఇంట్లో ఫ్రిజ్ కొన్నప్పుడు... ఇంటిల్లిపాదీ దాని ముందు నిలబడి ఫొటోలు దిగాం. అది నాకు ఇప్పటికీ గుర్తుంది" అని మరో యూజర్ తెలిపారు.